‘Taal’ victims tulungan
Palasyo sa publiko
MANILA, Philippines — Umapela kahapon ang Malacañang sa publiko na huwag magdalawang-isip na magpaabot ng tulong sa mga naapektuhan ng pagsabog ng bulkang Taal.
Sinabi ni Presidential Communications Operation Office (PCOO) Secretary Martin Andanar na, sa ganitong mga pagkakataon, kinakailangan ang paglahok at pakikiisa ng publiko upang maiwasan ang ibayo pang problema at anupamang casualties.
Nanawagan din ang Palasyo sa mga apektadong residente na huwag nang maging matigas ang ulo at sa halip ay sumunod sa ipinag-uutos ng kani kanilang mga lokal na pinuno at iba’t ibang ahensiya ng pamahalaan na nagkukumahog ngayong mailikas ang mga residente sa ligtas na lugar.
Samantala, nasa Maynila na si Pangulong Rodrigo Duterte galing ng Davao kahapon ng umaga.
Ayon kay Sen. Bong Go, sila ang unang nakalapag kahapon ng umaga sa paliparan sa Manila pero hindi na nabanggit kung saang paliparan sila bumaba ng Presidente.
- Latest