Voter registration uumpisahan na muli ng Comelec sa January 20
MANILA, Philippines — Bubuksan na muli ng Commission on Elections ang voter’s registration sa January 20, 2020.
Ayon kay Comelec spokesperson James Jimenez, dapat na agapan ng mga bagong mga botante ang pagpaparehistro.
Bukod sa registration, maaari ring magproseso ng transfer of registration records, change o correction ng entries, reactivation at reinstatement ng name sa voters’ list.
Ani Jimenez, pwede ring magpa-update ng records ang mga senior citizen, Indigenous Peoples at iba pang miyembro ng vulnerable sectors.
Kailangan lamang magtungo sa Office of the Election Officer ng city o municipality kung saan nakatira.
Gagawin ang registration mula Lunes hanggang Sabado kabilang ang holidays, mula alas-8:00 ng umaga hanggang alas-5:00 ng hapon.
Tatagal ang registration period hanggang September 30, 2021.
- Latest