Sa wakas: Fighting senator Manny Pacquiao political science graduate na
MANILA, Philippines — Mula sa pagiging high school dropout dahil sa matinding kahirapan, certified degree holder na ang nag-iisang kampyong boksingero ng Senado.
Kabilang lamang si Manny sa mga nagtapos ng kursong Bachelor of Arts in Political Science major in Local Government Administration sa University of Makati, Miyerkules.
Isang araw bago ang kanyang graduation, sinabi pa pa ni Manny ang mga katagang "Dream it. Believe it. Achieve it," sa kanyang Instagram account.
Kasama ng post ang kanyang litrato noong siya'y bata-bata pa.
Noong ika-9 ng Disyembre, matatandaang kasama ang pangalan ni "Pacman" sa listahan ng mga kandidato sa nasabing programa.
LOOK: Sen. Manny Pacquiao in the list of graduating students at the University of Makati. Graduation will be on Dec. 11 (photo courtesy of SAP JJ) | @PaoloSRomero pic.twitter.com/Zoy4G1krxo
— The Philippine Star (@PhilippineStar) December 9, 2019
Bagama't hindi niya natapos ang high school sa karaniwang paraan, naipasa niya ang Accreditation and Equivalency test ng Alternative Learning System noong 2007, dahilan para makumpleto niya ang kanyang sekundaryang pag-aaral.
Kahit na wala pa siyang degree noon, dati nang sinabi ni Pacquiao na sang-ayon siya sa pananaw na dapat nakatapos ng kolehiyo ang mga nais tumakbo sa pagka-senador o presidente.
Maliban sa kanyang academic achievements, kilala rin si Paquiao matapos maging unang boksingero sa kasaysayan na manalo ng championship title sa walang weight divisions.
Si Pacquiao din ang kasalukuyang WBA welterweight champion.
- Latest
