Rating ng Pangulo bumaba
MANILA, Philippines — Bumaba ang trust at approval rating ni Pangulong Rodrigo Duterte sa third quarter ng taong ito sa gitna ng mga kontrobersiyal na isyu sa Bureau of Corrections at mga pulis na sangkot sa droga.
Ito ang lumilitaw sa bagong survey ng Pulse Asia na nagsasabing tumanggap si Duterte ng trust rating na 74 percent, mas mababa ng 11-point kumpara sa kanyang 85 percent sa nagdaang quarter.
Isinaad pa sa survey na 78 porsiyento ng 1,200 Filipino adult ang aprubado ang performance ni Duterte na mas mababa nang 7 points mula sa dating 85 percent ng naunang quarter.
Pero sinabi ng Malakanyang na mataas pa rin ang rating ng Pangulo. “’Di ba nagfa-fluctuate naman talaga ‘yan, pero more than 70 percent pa rin eh,” sabi ni Presidential Spokesperson Salvador Panelo sa mga reporter. Ang survey na ginawa noong Setyembre 16-22 ay merong ± 2.8 percent error margin.
- Latest
