Manila Bay maaari nang languyan bago matapos ang 2019 - DENR
MANILA, Philippines — Maaari nang maligo sa Manila Bay bago matapos ang taon.
Ayon kay Environment and Natural Resources Undersecretary Benny Antiporda, lahat ng paraan ay ginagawa ng national at local government upang maibalik sa publiko ang lugar at makuha ang mga kalat na papunta sa Manila Bay.
Aniya, may mga bulk garbage na dapat ding kunin tulad ng sofa, aparador, troso at bisikleta na nasa ilalim ng ilog.
Nabatid kay Antiporda na magkakaroon pang muli ng massive clean up sa Manila Bay lalo pa’t pansamantalang bumagal dahil na rin sa nagdaang halalan.
Minomonitor din nila ang mga establisimyento sa Malate upang malaman kung nagtatapon ang mga ito ng maruming tubig sa Manila Bay.
Anya, limang eco tourism park ang aayusin ng DENR, Department of Tourism at Department of Interior and Local Government upang maibalik sa dati.
Kabilang dito ang El Nido, Coron, Panglao, Puerto Galera at Siargao.
- Latest