Impeach Leni ikinakasa na!
MANILA, Philippines — Balak ni Atty. Larry Gadon na sampahan ng impeachment complaint si Vice Pres. Leni Robredo kung mahahatulan siya sa kasong sedition at inciting to sedition.
Ayon kay Gadon, nakahanay na ang kanilang plano na pagsasampa ng impeachment complaint kung mapapapatunayang guilty si Robredo sa mga kinakaharap na kaso.
Isa si Robredo sa kinasuhan ng PNP-Criminal Investigation and Detection Group ng sedition at inciting to sedition base sa testimonya ni Peter Joemel Advincula alias Bikoy.
“That is one of the direction we may take. If Mrs. Robredo is indicted then that would be the next step - the impeachment proceedings against her. That’s the plan, but that’s my plan only. Hindi naman involved dito yung OSG (Office of the Solicitor General),” sabi ni Gadon sa panayam ng ANC.
Nilinaw din ni Gadon sa na hindi siya pakawala ng Malacañang at hindi rin umano siya humihingi ng appointment.
“Hindi ako nagpa-appoint, hindi ako nag-apply… I was not even endorsed by Duterte in my run for the Senate,” sabi ni Gadon.
Bukod kay Robredo, kinasuhan din ng PNP-CIDG sina Senators Risa Hontiveros, Leila de Lima at mga dating senators Bam Aquino at Antonio Trillanes IV.
Matatandaan na sa “Ang Totoong Narcolist” videos ni Bikoy, inakusahan nito ang pamilya ni Pangulong Duterte na nakinabang umano sa ilegal na droga pero binawi ito at inakusahan naman ang oposisyon na nasa likod ng mga ginawa niyang video upang mapatalsik sa puwesto ang Pangulo.
- Latest
