Total ban sa imported na basura isinulong

MANILA, Philippines — Para tuluyan nang hindi makapasok sa Pilipinas ang mga basura mula sa ibang mga bansa, isinusulong sa Kamara ang panukalang batas para sa total ban ng importasyon ng anumang solid, liquified at toxic wastes ng ibang mga bansa.

Sa House Bill  9207 na inihain ni Misamis Orien­tal Rep. Juliette Uy, tuluyan na niyang pinapatigil ang pag-import ng basura sa Pilipinas.

Dahil dito, isinusulong ni Uy na hindi na dapat tumanggap ng basura mula sa ibang bansa at huwag nang pumayag na ga­wing tambakan ng basura ang Pilipinas.