Bombing pinatitiyak na ‘di aabot sa Metro Manila

MANILA, Philippines — Nais masiguro ng Kamara sa Philippine National Police na hindi makakaabot sa Metro Manila ang mga insidente ng pagpapasabog sa ilang lugar sa Mindanao.

Sa pagdinig ng House Committee on Metro Manila Development, sinuri ng Kamara ang inilatag na security measures ng PNP at ng ibang concerned government agencies upang hindi mangyari sa NCR ang mga pagsabog tulad sa Mindanao.

Tiniyak naman ni PNP-NCRPO Director Guillermo Eleazar na itinaas lamang sa full alert status kamakailan ang seguridad sa Metro Manila para hindi lamang mangyari ang mga pagsabog tulad sa Mindanao pero wala namang mga banta sa security at ligtas pa rin ang Metro Manila.