OFW e-CARD, ipinakilala

MANILA, Philippines — Inilunsad ng Overseas Workers Welfare Administration (OWWA) ang OFWs E-card bilang bahagi ng paghahatid ng mas maayos na serbisyo ng gobyerno sa OFWs.

Ayon kay Labor Secretary Silvestre Bello III, ang OFW e-CARD ay magsisilbing patunay ng pagiging aktibong OWWA member at magbibigay ng madaliang access sa mga serbisyo, scholarships, mga programa sa pagsasanay, at mga benepisyong panlipunan mula sa OWWA. Maari rin itong magsilbi bilang valid government ID.

Sinabi ni OWWA Administrator Hans Leo Cacdac, ang OFW e-CARD ay libre para sa lahat ng Balik-Manggagawa OFWs na aktibong miyembro ng OWWA, may tamang Overseas Employment Certificate (OEC) o Numero ng Exemption, at may valid passport.

Upang maiwasan ang data breach, ang OFW e-CARD ay naglalaman ng isang natatanging bilang ng pagiging miyembro ng OFW at QR code bilang mga security feature.