Balota mula Negros Or. sunod na isasalang sa VP poll recount

MANILA, Philippines — Ang mga balota mula sa Negros Oriental na kabilang sa tatlong pilot provinces na nasa electoral protest ni dating senador Bongbong Marcos laban kay Vice Pres. Leni Robredo ang susunod na isasalang sa recount.

Tapos na ang recount sa lalawigan ng Iloilo nitong nakalipas na linggo, ayon kay Atty. Bernadette Sardillo, legal counsel ni Robredo.

Ang recount umano sa mga balota sa Negros Oriental na may kabuuang 1,184 ballot box ay agad na gagawin sa sandaling matapos nang bilangin ang mga balota sa Camarines Sur.

Sa bibilangin na nasabing lalawigan ay tinambakan ni Robredo na umipon ng 255,598  boto si Marcos na kumabig lamang ng 66,506 boto noong 2016 national elections.