Mocha ipinahiya si Bong Go, hindi nag-sorry kay Kris
MANILA, Philippines – Walang balak humingi ng paumanhin si Presidential Communications Assistant Secretary Mocha Uson kay Kris Aquino sa kabila ng pagtitiyak ni Special Assistant to the President Bong Go na gagawin ito ng kalihim.
Sa panibagong Facebook post, sinabi ni Uson na hindi tungkol kay Kris Aquino ang video na nagpapakita ng paghalik ng isang babae kay dating Sen. Benigno Aquino Jr. sa loob ng eroplano.
"Tungkol ito sa paglagay ng malisya sa isang halik. Itinumbas lang sa gawain ng ibang lider tulad ng tatay niya," pahayag ni Uson.
"Ms Aquino, this is not about you," dagdag niya.
BASAHIN: Digong nag-sorry kay Kris sa post ni Mocha
Humingi na ng paumanhin si Pangulong Rodrigo Duterte kay Kris, ayon kay Go ngayong Miyerkules ng umaga.
Kasabay nito ay sinabi ni Go na napagkasunduan nila ni Uson na hihingi rin siya ng paumanhin.
- Latest
