NTC magsasagawa ng testing sa bilis ng internet
MANILA, Philippines – Magsasagawa ng test sa bilis ng mga internet service providers ang National Telecommunications Commission (NTC) sa susunod na buwan.
Sa Senate hearing kahapon, aalamin ng NTC kung totoo ang bilis ng internet ng mga internet service providers (ISPs) sa ina-advertise nila base na rin sa bagong ipinalabas na memorandum circular.
Ayon kay NTC Director Edgardo Cabarios, base sa circular, dapat ipalathala ang bilis ng internet kada buwan at dapat magsagawa ng testing o measurement tuwing ikalawang linggo.
“We will start here in Metro Manila, we will have a pilot test by second week of September. Sa October yung start ng official test,” pahayag ni Cabarios sa Senate committee on trade, commerce, and entrepreneurship na pinamumunuan ni Sen. Bam Aquino.
Sa ilalim ng NTC MC 07-08-2015, ang mga ISPs na mayroon lamang minimum speed na hindi bababa sa 256 kbps ay hindi dapat mag-advertise na sila ay mga “broadband” providers.
- Latest
