Senate hearing sa BBL tuloy sa Abril 13
MANILA, Philippines - Itutuloy ng Senado ang pagdinig sa Bangsamoro Basic Law (BBL) sa Abril 13 o pagkatapos ng Holy Week.
Ginawa ni Sen. Bongbong Marcos ang pahayag matapos matanggap ang kopya ng report ng Moro Islamic Liberation Front (MILF) kaugnay sa isinagawa nilang imbe stigasyon sa Mamasapano massacre.
Ayon kay Marcos, unang pagtutuunan ng pansin ng komite sa pagbabalik ng hearing ang pagpapalakas ng ceasefire mechanism upang hindi na maulit ang Mamasapano massacre.
“We need to strengthen the ceasefire mechanism. Because what happened in Mamasapano was, as early as 5:30 a.m. to 6 a.m. on that Sunday, the MILF was already told that it’s the government troops that they were firing at. But the total ceasefire was only achieved around4 pm., that’s almost 11 hours. If it only took 11 minutes to implement the ceasefire, then, some lives could have been saved,” ani Marcos.
Ang nangyaring pagkamatay ng 44 miyembro ng Special Action Force ay itinuturing ng Senado na murder pero ayon sa MILF ito ay misencounter. (Malou Escudero)
- Latest
