Ninong sa kasal ayaw ni PNoy
DAVAO CITY, Philippines – Isa sa kinaayawan ni Pangulong Benigno C. Aquino III ang pumapel na ninong sa mga kasalan. Puwede siyang maging best man o abay pero hindi ang maging ninong ng mga ikinakasal.
Ito ang tinuran ng Pangulo nang makapanayam kaugnay ng takdang kasal nina Senador Chiz Escudero at ng aktres na si Heart Evangelista na gaganapin sa isang island resort sa Quezon sa Pebrero 15 ng susunod na taon.
Kasabay nito, inamin ng Pangulo na siya ang best man sa kasal nina Escudero at Evangelista.
Ginawa ng Pangulo ang kumpirmasyon nang makapanayam siya ng mga mamamahayag sa lunsod na ito pagkatapos niyang dumalo sa Philippine Business For Social Progress Mindanao meeting, Hindi naman siya naiinggit sa pagpapakasal ni Escudero kay Evangelista dahil umaasa siyang mangyayari din ito sa kanya “soon”.
Aniya, ilang beses na siyang naging best man at abay sa kasal pero hindi siya pumapayag na maging ninong sa kasal dahil binata pa din naman siya.
Ayaw niyang maging ninong sa kasal dahil baka tumandang binata siya kaya ilang beses na siyang tumanggi dito.
Idinagdag pa ng Pangulo na ang pagiging ring bearer na lamang ang hindi pa niya nagagawa.
- Latest