Bagong buwis itinanggi
MANILA, Philippines - Pinabulaanan kahapon ng Bureau of Internal Revenue na magtatakda ang ahensiya ng bagong pagbubuwis sa mga manggagawa ng bansa. Ang pahayag ay ginawa ni BIR Commissioner Kim Henares bilang tugon sa reklamo ng ilang government employees associations hinggil sa umano’y buwis na kakaltasin ng ahensiya na tinatawag nilang fringe benefits. Ipinaliwanag ni Henares na ipinalabas lang nila ang isang Revenue Memorandum Order para linawin na, sa ilalim ng Section 32 ng Tax Code, pinapatawan ng income tax ang lahat ng kompensasyon. Exemption lang ang hanggang P30,000 na 13th month pay at bonus. Mula pa noong 1997 ay ipinapatupad na anya ang batas na ito.
- Latest