Batas vs perjury palakasin - Sen. Cayetano
MANILA, Philippines - Hiniling kahapon ni Sen. Allan Cayetano na palakasin ang batas laban sa perjury upang malutas ang malaking kaso sa bansa particular ang nasasangkot sa graft and corruption.
“Let’s start punishing people who lie under oath. Kung kailangang palitan natin ang batas, palitan natin ang batas,” wika pa ni Sen. Cayetano.
Ginawa ng mambabatas ang panukala dahil ang mga nakakasuhan ng perjury at obstruction of justice ay hindi naman napaparusahan.
Aniya, kumpara sa US at Europe ay napakahina ang perjury law ng Pilipinas kaya dapat palakasin ito.
“In other countries, when you are caught lying in court or in Congress, you go to jail. But here in the Philippines, the witnesses are on guard to protect themselves and would rather not tell the truth,” dagdag pa ng senador.
Wika pa ni Cayetano, dito sa Pilipinas ay walang nakukulong sa perjury kaya napapanahon na upang palakasin ang batas laban sa perjury.
Ipinaliwanag pa ni Cayetano, kung may malakas na perjury law ang bansa ay magdadalawang-isip ang mga false witnesses gayundin ang mga humaharap sa mga pagdinig na magsinungaling.
- Latest
- Trending
