MANILA, Philippines - Kinumpirma ng Malacanang na tinanggap ni Pangulong Aquino ang pagiging best man sa renewal of vows nina Sen. Miriam Defensor-Santiago at dating Usec. Narciso Santiago sa darating na June 19.
Tatayong principal sponsors naman ni Sen. Santiago sina dating Pangulong Joseph Estrada at dating Pangulong Gloria Macapagal-Arroyo, Chief Justice Renato Corona, Justice Consuelo Ynarez-Santiago, Vice-President Jejomar Binay at Ilocos Norte Rep. Imelda Marcos.
Ang magiging ka-partner naman ni Pangulong Aquino na tatayong maid of honor ay ang Kapuso artist na si Heart Evangelista.
Muling magpapakasal si Sen. Miriam at mister nitong si Usec. Santiago kaugnay ng kanilang ika-40 wedding anniversary na gaganapin sa Manila Cathedral na pangungunahan ni Manila Archbishop Gaudencio Rosales.
Magsisilbi naming offerers sina Philippine Star editor-in-chief Isaac Belmonte, QC Vice-Mayor Joy Belmonte, Executive Secretary Paquito Ochoa Jr., MMDA chairman Francis Tolentino at Beatriz Cristina Aboitiz.