Nakawan ng tarpaulin binira

MANILA, Philippines - Tinuligsa kahapon ni Parañaque Rep. Edu­ardo “EDZA” Zialcita ang pang­ gugulang uma­no ng mga kalaban sa politika matapos na iligal na bak­lasin o nakawin ang kan­yang mga tarpaulin sa lungsod.

Sinabi ni Zialcita na hindi pa man nagsi­si­mula ang pormal na kam­panya para sa lokal na pama­halaan ay ku­milos na ang ilang per­sonalidad sa Pa­rañaque City para tiyakin na hindi mapapan­sin ang ibang kandidato na ta­takbo sa Mayo.

Inireklamo ni Zialcita ang biglang pagkawala ng kanyang mga tarpaulin habang ganito rin umano ang reklamo ng isa pang tumatakbo sa pagka-alkalde sa lung­sod na na­walan rin ng kan­yang mga poster na pagbati.

Sa impormasyong na­karating sa kampo ni Zial­cita, isang barangay chairman na tumangging mag­pabanggit ng pa­nga­­lan sa pangambang ma­pag-ini­tan ang nakakita na isang “red-plate” na sasak­yan ang kumuha ng mga naka-display na mater­yales at pinagsisira.

Dismayado si Zialcita sa pangyayari na nagpa­pakita umano ng kahan­daan ng ibang grupo na gawin ang lahat masi­guro lamang ang kani­lang pag­kapanalo sa darating na halalan. (Danilo Garcia)