Di pa man sumasapit ang pagsalubong sa 2010. Naputukan, 166 na

MANILA, Philippines - Simula lamang Disyem­ bre 21 hanggang Dis. 29 ay lumobo na sa 166 ang bilang ng naitalang firecracker-related injuries ng Department of Health (DOH), na kung ikukum­para sa kaparehong pana­hon noong nakalipas na taon, mas mataas ito ng 9 na porsyento.

Dahil dito, umapela na ang DOH sa mga magu­lang na huwag pabayaan ang ka­nilang mga anak at umi­was na sa paputok lalo’t mas marami sa kaso ng na­su­gatan ay mga kaba­taang may 10 taon pababa o hindi naman gumamit ng papu­tok o nanonood la­mang sa mga nagpapa­putok.

Sinabi ni Dr. Yolanda Oliveros, head ng National Center for Disease Prevention and Control (NCDPC) ng DOH, hindi dapat pa­ yagan ang mga bata na lumabas ng bahay lalo na kung may mga nag­papa­putok at hindi rin dapat na bigyan ng pera o ha­yaang makabili nito sa mga tin­dahan.

Sa 166 na bilang ng sugatan, 40 porsyento ang nasa 10 taon pababa at mahigit na kalahati ay nabiktima ng piccolo.

Nais ng DOH na mag­tagumpay ang kam­pan­ya na bumaba ng ma­higit sa 50 porsyento ang kaso ng mga nabibiktima ng firecrackers subalit hindi uma­no mapigilan ang mga Pi­noy sa pagsunod sa tradis­yon na may kaakibat na ka­pa­bayaan ng mga matatan­da. (Ludy Bermudo)