Loren nabahala sa Caticlan

MANILA, Philippines - Nagpahayag kaha­pon ng pagkabahala si Environment advocate at Senador Loren Le­garda sa planong pag­pa­tag sa isang burol sa Caticlan, Aklan para bigyang-daan ang pag­papalaki sa runway ng gagawin ditong bagong paliparan.

Kaugnay nito, hini­ling ni Legarda sa pa­mahalaang Arroyo na ibasura ang P2.5 bil­yong airport expansion kasunod ng pagsa­sa­bing hindi dapat isakri­pisyo ang kalikasan para lamang sa prog­reso at iba pang economic gains.

Si Legarda na chairman ng oversight com­mit­tee on Climate Change at tumatakbo sa pagka-bise presidente, ay nag­ sabi pang ang “micro-climatic change” na idu­dulot ng pag­patag sa bundok ay nakaka­alarma.

Ayon sa plano, ang runway ay palalawakin mula 825 metro na ga­gawing 2.1kilometro para matugunan ang international airport standard at upang ma-accommodate ang mala­laking eroplano. Inaasa­hang magiging operational ang paliparan sa June 2010.