Clemency sa utak ng Cochise-Beebom murder case idinepensa ng Palasyo

MANILA, Philippines - Ipinagtanggol kaha­pon ng Malacañang ang pagka­kaloob ng clemency ni Pa­ngulong Arroyo sa mastermind ng Co­chise-Beebom double murder case.

Sinabi ni Press Secretary Cerge Remonde, ministerial lamang ang pagka­kaloob ng clemency kay Rodolfo Manalili na na-convict sa pagpa­tay kina Ernesto “Co­chise” Bernabe II at Ana Lourder “Beebom” Casta­nos noong April 1990.

“Kailangan we also have to remember na ang ating penal system sa Pilipinas at buong mundo tinatawag na corrective ang measure. Meaning ang nagkakasala after serving sentence in good behaviour binibigyan ng chance to redeem themselves at ma­ka­pagba­gong buhay. Alam nating mahirap tanggapin yan but we should also understand yan ang trend ng penal system hindi lang sa Pilipinas kundi sa buong mundo,” paliwa­nag ni Sec. Remonde.

Aniya, nauunawaan din ng Palasyo ang nara­ram­daman ng pamilya ng bik­ti­ ma katulad din ng pag-una­wa sa pamilya ng iba pang krimen.

Magugunita na iniha­yag kamakailan ni Executive Secretary Eduardo Ermita na binigyan ng commutation of sentence noong Marso 26 si Ma­nalili. (Rudy Andal)