Mga bgy. gagamitin vs illegal recruiters

Pinapalakas ngayon ng pamahalaang lungsod ng Caloocan ang mga barangay upang mapro­tek­syunan ang mga resi­dente nito laban sa mga illegal recruiters matapos itong magpahayag ng suporta sa Anti-Illegal Recruitment (AIR) Information Campaign ng Philippine Overseas Employment Administration (POEA).

Ayon kay Caloocan City Mayor Enrico “Re­com” Echiverri, umabot sa 35 barangay mula sa Zone 3, 12 at 13 ang pinalakas para mabantayan ang mga residente laban sa pambibiktima ng mga ilegal na recruiter. 

Sinabi naman ng al­kalde na magpapatuloy ang programa hanggang lahat ng 188 barangay at 16 na zone ay mapalakas laban sa panloloko. 

Samantala, malaki ang pasasalamat kay Echiverri ng mga barangay officials na dumalo sa programa dahil alam na nila ngayon ang modus operandi ng mga ilegal na recruiter at ang masamang epekto ng ganitong gawain sa ka­nilang mga nasasakupan.

Gayundin, kinilala rin ng POEA ang suporta ni Echiverri para maibaba ang mga ganitong prog­rama sa mga mamama­yan.

Kaugnay nito, sinabi ni Labor and Industrial Relations Office (LIRO) chief Dante Esteban na nag­bibigay din ang POEA ng regular na update sa listahan ng mga lisen­sya­dong recruitment agency at iba pang opisina para sa proteksyon at kapakina­bangan ng publiko. (Lordeth Bonilla)