Inaasahan ng mga miyembro ng partidong Lakas Christian Muslim Democrats (LAKAS-CMD) na talsik na bilang pangulo si Pangasinan 4th District Rep. Jose de Venecia Jr. at si House Speaker Prospero Nograles ang papalit dito.
Nakakatiyak na ang mga kasapi ng Lakas-CMD na si Nograles na ang bago nilang Pangulo at bababa na si de Venecia sa kanilang National Directorate meeting sa Lunes.
Gayunman, sinabi ni Nograles kahit na mapalitan bilang pangulo si de Venecia dapat siyang manatili sa partido dahil isa ito sa founder ng nasabing samahan.
Sinabi naman ni de Venecia, kahit na bumitaw siya bilang leader ng partido ay hindi naman siya aalis sa kanilang samahan.
Inakusahan naman ni de Venecia na may kinalaman ang Malacañang sa pagpapatalsik sa kanya sa puwesto, una ay bilang House Speaker at ngayon bilang pangulo ng partido. (Butch Quejada)