Matapos na mabakante ng isang taon, nagtalaga na ang Santo Papa ng bagong obispo ng Borongan, Eastern Samar sa katauhan ni Father Crispin Barrete-Varquez.
Papalitan ni Varquez si Bishop Leonardo Medroso na inilipat sa Diocese ng Tagbilaran noong nakaraang taon.
Ang pagtatalaga kay Varquez ay inihayag ng Santo Papa sa Vatican noong hapon ng Sabado at nakarating naman ang ulat sa Maynila dakong 6:00 ng gabi kamakalawa sa pamamagitan ni Charge’ de’ affaires of the Apostolic Nunciature Monsignor Wojciech Zaluski. (Doris Franche)