Sa isang press statement na ipinadala ni Cesar Quiambao, sinabi nito na ang kasong estafa case na isinampa laban sa kanya ay matagal nang naibasura ng piskalya.
Aniya, nais lamang siyang baligtarin at buweltahan ng kanyang mga detractors matapos niyang kasuhan ang mga opisyal ng SIDC ng syndicated estafa. Ang syndicated estafa ay nag-ugat dahil ang Strategic Alliance Development Corp. (STRADEC) ay nagmamay-ari ng 49% share ng SIDC.
Nakasaad din sa statement ni Quiambao na may sapat na ebidensiya na magpapatunay na paninira lamang sa kanyang pagkatao ang muling pagsasampa ng kaso laban sa kanya.
Ikinagulat na lamang nito na noong Hunyo 2005 ay mailipat ang 49% share niya sa STRADEC sa SIDC at 60 % ng STRADEC sa STC sa pangalan ni Robert Wong na isa ring SIDC incorporator. (Doris Franche)