Nanawagan din si Abalos sa publiko na mag-ingat sa maling impormasyon ukol sa implementasyon ng Electoral Modernization Program (EMP) ng komisyon.
Ayon kay Abalos, sinisiguro nitong maisusulong ng lantad at maayos ang takbo ng tatlong phase na sakop ng modernization. Una, ang paglilinis ng voter’s list at validation ng registration ng mga botante; ikalawa, automated ng pagboto, pagbilang at pagta-tally ng mga boto at ang ikatlong phase ay ang electronic transmission ng mga resulta mula sa counting centers papunta sa central office ng Comelec, sa mga political parties at mga citizen’s arm.
Ipinaliwanag ni Abalos na ang counting machines ng Mega Pacific ay gawa ng SK & C ng South Korea na dumaan sa masusing pagsubok ng Department of Science and Technology ((DOST) at nakapasa sa kriteria na inilatag nito kagaya ng bilis, accuracy sa pagbibilang ng balota at kakayahang umandar kahit sa mainit na temperatura at hangin.
Sinabi din ni Abalos na mahusay ang makina ng Mega Pacific, dahil hindi tatanggapin ng mga makina nito ang mga peke at duplikadong mga balota na balak ipasok dito. At makakapaglabas agad ng resulta makaraan lamang ang ilang oras. (Ulat ni Jhay Mejias)