Kapamilya stars nangharos sa Billboard Philippines

CEBU, Philippines — Pipila ka  Kapamilya stars ang nakadawat og rekognasyon sa bag-ohay lang nga  Billboard Philippines.

Si Asia's songbird Regine Velasquez-Alcasid maoy nakakuha og  ‘Powerhouse’ award gumikan sa iyang  legasiya sa industriya.

Nipaso si Regine sa  blue carpet kauban ang iyang bana nga si Ogie Alcasid ug ang anak na nga si  Nate.

Dakong garbo alang Regine nga makadawat sa maong klase nga award .

Nitambong pud sa nahisgotang kalihokan ang magtiayong  Matteo ug Sarah Geronimo-Guidicelli.

Si Sarah ang nakakuha sa 'Woman of the Year’ award, kun diin gisundan niini ang iyang award sa   Billboard US.

Nakuha  pud ni  Moira Dela Torre ang  ‘Hitmaker’ award.

“I feel very honored. The term hitmaker, is not something, I don’t anyone can take it lightly. I definitely share this award with a lot of people. I just feel very blessed," ni Moira pa ngadto sa ABS-CBN News.

Ni-perform ang P-Pop girl group nga  BINI sa ilang  sikat nga awit nga  ‘Salamin Salamin’ sa wala pa modawat sa ilang  ‘Rising Star’ award  nga gutunol sa miyembro sa SB19 nga si Stell.

“Mula sa aming lima, para sa kanilang walo, congratulations sa inyo. Lagi naming sinasabi na masaya kami kasi dumating kayo sa P-Pop industry, sama-sama nating itaguyod ang Filipino music sa global stage," matud pa ni Stell.

Samtang ang usa sa mga miyembro sa BINI nga si Aiah kay mapasalamaton sa nadawat nila nga award.

“It’s truly a big honor po especially for us who are still starting. And Billboard Philippines is a big name, a big award, we accept it with full honor and pride. Hindi lang ito for us, but also for the people who believed in us,” matud pa ni  Aiah.

Si Jackie Lou Blanco  maoy nidawat sa   ICON award nga alang sa iyang inahan nga si Asia’s Queen of Songs Pilita Corales.

Natandog si Jackie Lou sa gihimo nga  tribute video alang sa iyang inahan.

Nakuha  pud ni Belle Mariano ang Listener’s Choice Award alang sa awit niya nga  ‘Bagumbilya’.

Ang Cebuana singer nga si Morissette maoy  nakalangkat sa People’s Choice Award.

Samtang si Ena Mori ang nakaangkon sa Rule Breaker Award  Geronimo.

Naglisod sa iyang alien role

Giangkon ni Marian Rivera nga dili lalim ang iyang role isip alien sa umaabot nga Kapuso series nga  "My Guardian Alien."

Wala siya'y linya  alang sa maong klase nga karakter.

"Sabi ko nga kay Direk mas mahirap pala na walang lines kesa sa nagsasalita kasi ang hirap talaga hindi ka maka-react na may nangyayari kailangan hindi ka muna mag-react, puro kamay, puro ulo," saysay pa ni Marian ngadto sa GMA News.

Maria Gigante napili nga Universal Woman 2024

Ang Cebuana ug representante  sa Pilipinas nga si Maria Gigante maoy nakalangkat sa titulo nga  Universal Woman 2024.

Gipahigayon  ang maong prestihiyosong indigay didto sa Cambodia niadtong Biyernes.  Gikatigi ni Gigante ang laing 47 ka mga kandidata gikan sa laing mga nasud.

Siya usab ang nakakuha sa  Social Media Award. Ang ubang mananaog mao sila si Lisandra Chirinos sa Venezuela (1st runner-up), Elisa Mysyshyne sa  France (2nd runner-up), Brianna Mai sa  Cambodia (3rd runner-up) ug Tavera Pena Chabelli sa  Dominican Republic (4th runner-up).