Nag-bida na sa mga pelikula sa Vivamax si Rose Van Ginkel, diin ang labing sikat niya nga pelikula mao ang Kitty7. Apan matud pa ni Rose, dili niya igsapayan kun bida man o kontrabida ang importante mahatagan nimo og hustisya ang imong role. Pero nisugot sab gyud siya nga magkontrabida niining pelikulang Star Dancer gumikan sa writer sa Kitty7 ug karon director sa nahisgutang pelikula nga si Pam Miras. "Sobrang thankful ako sa Kitty K7 so gusto ko ulit talaga siya na maka-work. Isa yon sa reason kung bakit ako nag-yes dito sa project." Nindot sab gyud matud pa ang pelikula diin adunay drama, bugno kun bugno gyud. Si Denise Esteban ang bida niini.
Dili musukol
Na-pressure og kalit si Julie Ann San Jose sa pangutana sa usa ka netizen kun mosukol ba siya kang Pop Star Princess Sarah Geronimo og concert showdown sanglit siya man ang Asia’s Limitless Star ug pambato sa mga kapuso kun concert performance ang hisgutan. Guest si San Jose sa Fast Talk With Boy Abunda niadtong Miyerkules. Daling reaksyon ni Julie: “Oh, my God! Na-pressure ako!” Gilahi na ni Boy ang pangutana, diin nakisayod siya kun andam ba si Julie nga makig-back-to-back concert kang Sarah. Yes, ang tubag ni Julie. Pangandaman matud pa niya kini og maayo kun ugaling mahitabo sanglit dako kaayo kining garbo alang niya. Giasoy niya nga fan gyud siya ni Sarah ug taas kaayo siya og respeto niini.