CEBU, Philippines — Kanunay magmatinahuron. Magpaila bisan pa og wala ka makaila. Dili tanan tawo nakaila nimo. Mao kini mga tambag ni Marco Gumabao ngadto sa mga bag-ong artista. Pagsugod matud pa niya sa showbiz ginganlan siya og isnabero sa usa ka sakop sa press human gidedma lamang niya kini samtang anaa sila sa ABS-CBN compound, gumikan kay wala siya nakaila niini.
Busa ang gibuhat niya, gipadad-an niya og mensahe ang nahisgutan ug nangayo siya og dispensa sanglit bag-o pa lamang siya sa showbiz. Hangtud karon, managhigala gihapon sila sa maong reporter ug wala na silay isyu.
Dugang ni Marco, "Especially sa mga veteran actresses and actors, pag nasa set kayo, always show respect, always show that you’re ready in terms of memorizing the script and come prepared."
Ingon niini sab ang gipadayag ni Kylie Versoza. Pagsulod gyud niya pa sa showbiz, ang unang gitudlo sa iyang manager mao nga mag "po" ug "opo" gyud siya sa mga tawo nga iyang mahibalag.
Litaniya ni Kylie: "Pero as you get older, yun naman talaga yung kailangan mong gawin and it’s all about giving respect to your elders and treating others the way you want to be treated as well.
"And ako, very respectful to my elders, very respectful to the veteran actors, kasi ang tagal na nila sa industry and I look up to them dahil ang dami na nilang na-accomplish.
"They stayed in the industry for so long and I just have so much respect for them." Si Marco ug Kylie, mga bida sa Viva Films movie, "Baby Boy, Baby Girl".Ubos sa direksyon ni JP Laxamana, isalida kini sa mga sinehan sa March 22./ Gikan sa PEP
Perteng gugmaha!
Walay lipod-lipod nga gideklara ni Rayver Cruz ang iyang gugma ngadto kang Julie Anne San Jose atol sa ilang pagguest sa Fast Talk With Boy Abunda niadtong Huwebes. Suma pa niya, kanunay niyang pasalig ngadto sa dalaga nga anaa ra siya alang niini. "Pero gusto ko lang din sabihin sa yo na this is it, hindi mo man alam pero… I’m getting ready.Kasi ikaw na talaga yung nakikita ko na makakasama ko habang buhay." Tubag ni Julie niini: Basta kung nasaan ka, nandoon ako.”
Mag-direktor na
Scriptwriting ug film directing na ang target ni Paolo Contis. Hinungdan nga buot niyang mopailawom og writing workshop kang National Artist Ricky Lee. "Siguro napapansin naman ng ibang mga katrabaho ko that I always suggest. And most of the time, pag wala akong ginagawa sa bahay, nagsusulat na rin ako ng mga concepts. And feeling ko, it’s also time for me to learn more on a more formal setting, ika nga, no? Marami na akong ideas pero hindi ko lang alam kung papano gawin, e.”
Na pressure na pud?
Pangutana pa karon nganong kalit nga niatras si Janina San Miguel-Sahota sa iyang pagsalmot sa Mrs. Face of Tourism Philippines 2023. Sa tsika niya ngadto sa PEP Cabinet Troika, gisaad ni Janina nga muluwat siya og pamahayag kabahin niini sa tukmang panahon. Nikisaw og maayo ang maong pageant sukad nagpa screen si Janina hangtud na nga nahimo siyang official candidate. Sikat si Janina sanglit siya ang nidaog nga 2008 Bb. Pilipinas-World diin giharos sab niya ang best in evening gown ug best in swimsuit minor awards. Unang salmot niya kadto og pageant sa edad nga 17, diin wala intawon siya nagkadimao sa q&a portion. Igo lamang siyang nilungtad og unom ka bulan ug niresign siya gumikan matud pa sa labihan nga pressure. Si Danielle Castano, kinsa maoy first runner-up, ang gipalarga isip pambato sa nasud sa Miss World 2008 pageant didto sa South Africa.
Co-director na
Kumpirmado na ang pagbalik sa concert stage ni Pop Star Royalty Sarah Geronimo sa May 12, 2023 nga ipahigayon sa Araneta Coliseum. Ug kagahapon gisugdan na pagbaligya ang tickets diin P15K ang SVIP nga may meet and greet kauban ang singer, P8,000 ang VIP; P6,500 ang Platinum; P4,000 ang Lower Box; P1,500 ang Upper Box; ug P600 ang General Admission ticket prices. Katapusang nag-concert si Sarah sa Araneta pinaagi sa This I5 Me, ang iyang 15th anniversary show niadtong April 14, 2018, nga idineklara nga highest-grossing local concert in history. Gumikan sa pandemya, nipahigayon siya og digital concert niadtong March 27, 2021, ang Tala: The Film Concert. Giisip kini nga top-selling digital concert of all time. Ug niining pagbalik niya sa Araneta, dili lamang siya performer, co-director sab siya ni Paolo Valenciano.
Secretary Kim
Nibuto ang tsika kagahapon nga himuon sa ABS-CBN ang Pinoy adaptation sa hit Korean series niadtong 2018 nga What's Wrong With Secretary Kim? Matud pa, ang mo mugna niini mao ang Dreamscape Production ug si Kim Chiu maoy bida niini isip Kim. Kini gawas pa sa umaabot nga teleserye ni Kim nga "Linlang" kauban si Diamond Star Maricel Soriano.
Pataka lang gyud!
Gisupla ni Bela Padilla ang usa ka basher nga gitawag siya og bastos nga pulong ug namasangil nga isnabera siya kay wala nagpa picture sa fans nga buot magpahulagway kaniya atol sa Harry Styles concert sa Bulacan niining bag-o lang. Suma ni Bela nagpataka ang maong basher kay daghan matud pa ang magpa picture niya busa wala siya nag-inarte. Suma pa sa aktres/direktor, kun nabalibaran man gani ang buot magpa picture, hayan nagbinastos kini pagduol o paghangyo niya. Posibli sab nga pagduol sa fan, may kaistorya siya o pwede sab nga nabwesit siya kay gidiretso ra'g modmod ang cellphone sa iyang nawong. Giklaro niya nga nipalit siya og ticket sa maong concert busa didto siya isip fan ug dili gyud niya trabaho nga magpa picture.