Rayna ang Pinay!
Rayna ang pambato sa Pilipinas nga si Meiji Cruz sa bag-ohay pa lamang gipahigayon nga Miss CosmoWorld didto sa Kuala Lumpur, Malaysia.
Suma pa sa 18 ka tuig na nga beauty pageant, usa ka gawasnon, mahigugmaon sa kinabuhi ug usa ka lider ang rayna nga gipangita niining maong indigay sa kaanyag.
Runners-up ni Meiji ang mga pambato sa nasud sa Uzbekistan Amaliya Shakirova ug Thailand Onnapun Na Chiangmai.
Gidumala kining maong pageant sa Malaysian celebrity ug Miss Chinese Cosmos 2004 nga si Carrie Lee.
Si Meiji, second runner-up sa Bb. Pilipinas 2021 diin ka batch niya si Cindy Obenita nga nakoronahan isip Miss Intercontinental ug Maureen Montagne nga nidaog nga Miss Globe.
Sa maong batch sab naggikan si 2021 Miss Aura International Alexandra Faith Garcia ug 2022 Miss Supermodel Worldwide Alexandra Mae Rosales.
Nikabat ngadto sa 25 ka mga kandidata ang nagtigi sa Miss CosmoWorld 2022.
- Latest
