Stepping stone ra

CEBU, Philippines — Nanghinaot si 2019 Miss Earth Philippines Janelle Tee nga masabtan ra sa iyang pamilya sa umaabot ang iyang pagpasexy sa pelikula pinaagi sa VivaMax.

Matud niya sa exclusive interview sa PEP Cabinet Files, probinsyana siya ug simple ra ang ilang pamilya nga konserbatibo hinungdan nga dili pa niini matugkad nganong mapangahason ang iyang mga pelikula karon.

Daring siya sa pelikula nga Putahe diin aduna silay intimate scenes ni Ayanna Misola ug may sexy scenes kauban ang unom ka mga lalaki.

Nalakip sab siya sa pelikula nga Secrets nga isalida sa VivaMax sa June 10, puhon. Sexy gihapon ang maong pelikula.

Apan alang sa kanhi beauty-queen, stepping stone lamang niya ang pagpasexy alang sa iyang pangandoy nga mamahimong de kalibre nga aktres puhon.

Daghan sab matud pa siya'g nakat-onan karon nga magamit niya sa umaabot, ug gumikan sa iyang sexy films, mas nilapad ang iyang panlantaw sa kinabuhi.

Pangandoy sab niya makabaton og mga negosyo nga mohatag sab og daghang trabaho ngadto sa uban. Kini kay nasayud siya nga dili hangtud sa hangtud ang showbiz. Kana maoy iyang nakat-onan gikan kang Willie Revillame niadtong nahimo siyang co-host sa Wowowin sa GMA7 gikan 2015 hangtud 2017.

Daghan sab matud pa siya og mga bulawanong pagtulun-an nga nakutlo gikan kang Willie nga kanunay niyang gihinumduman sa matag adlaw.

RIP, Chibby

Nagbangutan si Lovi Poe gumikan kay namatay ang iyang labing unang iro nga si Chibby. Saysay niya sa IG sa niaging adlaw, wala gyud siyay plano nga magbuhi og iro apan iyang nakit-an si Chibby nga usa ka shih tzu ug mao na lay iyang naamgohan nga gigamit niya iyang sweldo sa labing una niyang TV show aron paliton kini. Na-inlab matud pa dayon siya sa maong iro. Isip labing una niyang pet, saksi si Chibby sa tanan niyang giagian. Wala matud pa siya nagdahom nga mamatyan na pud og iro, human siya namatyan sab og shih tzu nga si Seth.

Kevs ninyo!

Deadma na si Andrea Brillantes sa mga komento sa netizens mahitungod sa relasyon nila sa basketbolistang si Ricci Rivero. Suma pa niya, daghang bitter nga mga tawo busa dili na siya mobasa sa mga online comments. Kay bisan tarong pa iyang binuhatan naa gyud gihapoy negatibo nga komento ang mga tawo. Ang importante malipayon ug okay sila ni Ricci sa ilang relasyon.

Surprise na lang

Hayan magpa sexy na pud si Aaron Villaflor sa umaabot nga digital series sa VivaMax nga mao ang Huwag Mong Agawin Ang Akin. Kini kay dihang gipangutana siya atol sa presscon sa nilabay nga adlaw kun mohubo na ba sab siya, tubag niini mao nga angayan nga atangan na lamang matud pa ang paglugwa niini sa dili madugay. Malipayon si Aaron nga nalakip siya niining maong series kay duha ka tuig na sukad nawagtang siya sa FPJ's: Ang Probinsyano sa ABS-CBN. Nangambot siya dihang gipangutana unsay rason kay siya mismo wala masayud nganong gitangtang siya. Apan mapasalamaton sab siya sanglit tulo sab siya ka tuig nga nakita sa maong serye ni Coco Martin.

Fake news na!

Gibasura sa beteranang singer nga si Kuh Ledesma ang nigawas nga tsika nga nahiagom siya og heart attack. Sa usa ka mubo nga video nga gi-upload niya sa nilabay nga adlaw, nagkanayon ang singer:  “Naku naman, may lumabas na fake news, ako daw ay nagkaroon ng heart attack. Teka, okay na okay ang heart ko, very strong. Kasi si Lord ang nagpapalakas sa akin. Huwag po kayong maniniwala sa mga ganun. Ang Diyos lamang ang nagbibigay ng buhay sa akin.” Tambag niya mao nga susihon usa gyud ang tsika usa mopakatap og dili mao aron dili ma fake news.

Dream network

Gipadayag ni Ivana Alawi nga dream network niya ang ABS-CBN busa sa una pa gyud siya ganahan nga mohimo og teleserye. Apan iyang gibalibaran ang iya untang launching series niadtong 2020 nga Ang Lihim ni Ligaya gumikan sa pandemya. Karon, kasamtangan na siyang naghimo sa iyang teleserye nga siya maoy bida nga mao ang Family Affair diin kauban niya sila si Gerald Anderson ug Sam Milby. "Actually, ever since naman, gustong gusto kong gumawa ng teleserye with ABS-CBN, yung timing lang talaga. The last show that I was supposed to do, biglang dumating yung pandemic, yung COVID and I was keeping my family safe. Pero ngayon kasi parang may vaccine na and very strict ang protocols ng ABS-CBN especially with the tapings, I feel safe naman kaya gustung-gusto ko din gumawa ng teleserye."

Congrats, Jeric!

Gipasidunggan isip best actor ang kapuso star nga si Jeric Gonzalez sa bag-ohay pa lamang nahuman nga Harlem Film Festival didto sa New York. Kini pinaagi sa pelikula nga Broken Blooms. Kasamtangan karon nga gihimo ni Jeric ang Pinoy adaptation sa hit Korean series nga Start-Up diin katrabaho niya sila si Alden Richards, Yasmien Kurdi ug Bea Alonzo.