Game na game sila si Kokoy de Santos ug Elijah Canlas sa kissing ug love scenes sa Gameboys The Movie nga showing na karon pinaagi sa KTX ug Ticket2me. Kini kay kumportabli na sila sa usag-usa, ug dako sab sila og pagsalig sa ilang director nga si Ivan Andrew Payawal nga maoy nagduma sa ilang mga eksena pud sa Gameboys Series nga gihangop og maayo sa netizens. Nasayran nga isalida ang pelikula didto sa Japan sa katapusang bahin niining tuiga.
Kathniel, nangandam na
Sugdan na matud pa sa dili madugay ang comeback teleserye sa Kathniel, ang loveteam nila ni Kathryn Bernardo ug Daniel Padilla. Gawas sa teleserye, aduna sab silay gam-on nga pelikula, ug may season 2 sab ang hit digital series nila nga The House Arrest of Us. Sa nilabay nga adlaw, gipamahayag ni ABS-CBN President & CEO Carlo Katigbak nga “best roles” ang ihatag sa maong loveteam, ingon man usab ngadto sa Lizquen ug sa tanang nagpabilin sa ABS-CBN human napupos ang prangkisa sa estasyon.
'GMA Regal Studio Presents'
Mag-collab ang GMA Network ug Regal Entertainment sugod sunod bulan. Sila maoy producers sa weekly drama anthology nga 'GMA Regal Studio Presents' ug isalida sa network. Alang unang episode nga hapit na mag-lock in taping, sila si Ken Chan ug Sanya Lopez maoy bida sa istorya nga mag-ulohan og That Thin Line Between.