_banat
^

Banat Showbiz

Bag-ong Sing Galing nakapuntos

Sanden J. Anadia - Banat
Bag-ong  Sing Galing nakapuntos

CEBU, Philippines — Gipamatud-an sa Sing Galing nga  wala gyud mahupas ang karisma niini  sa paghatag og kalingawan sa mga Pinoy. Mao kini ang nabatyagan sa mga artista nga nalakip ang maong show.

Nasayran nga usa ka karaang programa ang Sing Galing nga gibanhaw sa TV5 karong tuiga.

Ang karaan nga Sing Galing!   nagsugod niadtong  1998 hangtod sa 2005.

Gipabahugay  sa mga bitoon sa maong show ang ilang kamaya gumikan sa mga positibong feedback nga ilang nadawat.

Atol sa virtual presscon sa miaging adlaw, gipadayag sa mga nalakip sa bag-ong Sing Galing nga sila si Rey Valera ,  Ronnie Liang, Jessa Zaragoza, Zendee Rose Tenerife and K Brosas, Jean Jordan, Regielyn Fernandez, Kim Macaraig ug Niko Badayos nga nagkagrabe na gyud ang ilang bonding sa set ug nahulma gyud ang ilang panaghigalaay.

Nasayran nga gidugangan og mga hugyaw nga mugna ang pagbalik sa iconic videoke show nga Sing Galing sa TV5.

Gipadayag ni Zendee nga dakong tabang sa iyang career ang pagkalakip niya sa maong show ilabi na nga nakauban usab niya ang mga banggiitang personalidad.

Dugang pa niya nga dili basta-basta nga mahimong kabahin sa show nga puwerting sikata kaniadto. 

Tandem nga mi-click dayon

Gibutyag sa komedyanteng aktor nga si Empoy Marquez nga natural gyud ang dagan sa  pagbinatoay nila og linya ni Maja Salvador sa kasagaran nila nga mga eksena sa comedy- drama series sa TV5 nga “Niña Niño” .

Suma pa ni Empoy mga nakatrabaho na niya si Maja kaniadto busa komportable ra gyud sila sa ilang mga taping.

Atol sa virtual presscon sa miaging adlaw, gipabuhagay ni  Empoy  ang iyang pagpasalamat ngadto sa tanang supporters sa tandem nila ni Maja. Gikalipay niya og maayo nga  mi-click dayon ang ilang mga pasiaw ug pagpakilig atubangan sa kamera. Nasayran nga mao kini ang  ang labing una nga teleserye ni Maja sa TV5. Si Thop Nazareno ang direktor sa “Niña Niño” nga naa na karon sa season 2.

Nalakip usab sa maong show sila si Noel Comia Jr. , Aaron Villaflor, Ian Pangilinan, Lilet Esteban, Dudz Teraña, Ian Pangilinan, Moi Bien, Junyka Santarin ,Sachzna ug Ruby Ruiz. Gipatigbabaw sa maong programa ang paghatag og   inspirasyon ngadto sa viewers. Ang  Cignal Entertainment kauban ang  CS Studios ug Spring Films  maoy nagpaluyo sa maong show. 

Legal Wives mosikad karong gabii

Magsugod na karong gabii ang bag-ong drama series sa GMA-7 nga Legal Wives  nga modalit og Muslim family drama story. Gibitoonan kini nila ni  Dennis Trillo, Bianca Umali, Andrea Torres, ug Alice Dixson. Suma pa sa Kapuso writer nga si  Suzette Doctolero  nga magpakita ang maong programa sa pagmahal sa pamilya. Duna pu'y  simulcast niini ang digital channel nga Heart of Asia ingon man usab ang GMA Pinoy TV.  The Other Wife gipasalida na

Giingong dunay ubang tawo nga dili basta-basta mahigugma ug buhaton na lang gyud ang tanan alang niini

Gani duna pu'y gitawag nga magkasalimoang nga gugma ug usa kini sa mga unod sa dagan sa istorya sa bag-ong pelikula sa Viva Films nga "The Other Wife".

Gibidahan kini nila ni Lovi Poe, Joem Bascon, kasama ug Rhen Escaño.

Direktor sa maong pelikula mao si Prime Cruz kinsa mao usab ang naghupot kaniadto sa Ang Manananggal sa Unit 23B  ug Sleepless.

Showing na Ang The Other Wife sa ktx.ph ug Vivamax.

Nagkita na gyud

 Nagka-bonding didto sa Switzerland ang maghigalang Bela Padilla ug Sarah Lahbati. "Reunited with this beautiful soul after almost two years of not seeing each other.Love you, Bela," matud pa ni Sarah.

Milambo gyud

Nakita gyud ni Jameson Blake ang dakong kalamboan sa career ni Charlie Dizon. Nagkauban ang duha sa  iWant TFC Original Series nga  My Sunset Girl.  Nagkauban na usab sila kaniadto sa nagkadaiyang proyekto sa ABS-CBN busa komportable na sila sa usag-usa.

Dili matandog

Dili na gyud matandog si Julia Barretto kun dunay mo-bash kaniya sa social media. Una na nga gibutyag sa aktres nga  naanad na siya ug dili na siya magpadala niini.

TV5
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with