CEBU, Philippines — Nahugyaw si Rabiya Mateo nga usa siya sa napili nga mahimutang sa atubangan atol sa opening production number sa Miss Universe coronation night karong May 17.
Gisugilon niya ngadto kang kanhi Bb. Pilipinas Universe MJ Lastimosa sa Kumu show sa nauwahi nga Plus Talk Para Sa Pinoy nga upat ka bahin ang ilang production number busa upat sab ka mga kanta ang gamiton. Sa usa sa maong mga kanta naa sa atubangan si Rabiya busa bisan dili matud pa siya dancer naningkamot gyud siya.
'Ibida ko talaga, gagalingan ko sumayaw...' Parang, gets mo yun, yung classroom na bida-bida, parang feeling ko ako yun."
National Costume
Sa maong interview, gibutyag ni Rabiya nga excited na kaayo siya nga ipakita ang iyang national costume nga mugna sa nipanaw nga world-class designer nga si Rocky Gathercole. Karong adlawa mahitabo ang national costume competition ug ipakita kini sa Youtube channel sa Miss Universe pagka sunod adlaw.
"It's sexy and it's very unique. Kasi now, MJ, I was able to find my personal style. And I find confidence when I show some skin, not too much skin.
"And it's a representation of Luzon, Visayas, and Mindanao wrapped into one. And I really envisioned myself in this costume ever since."
Dakong hagit matud pa alang kang Rabiya ang national costume sanglit taas ang ilang rampa karong tuiga ug bug-at ang iyang costume.
"It's heavy, to be honest, that's why I really need to practice it. Like, I really need to workout physically. "Yung alam mo yung pinapasok mo talaga sa isip mo na kahit mabigat ito, irarampa ko talaga ito."
"Clue lang, yung runway namin, it's gonna be long. So extra hirap ito for me, but I'm up for the challenge. This is for my country."
Training gihapon
Bisan og busy na kaayo sila sa rehearsals ug uban pang activities sa pageant, padayon gihapon ang personal training ni Rabiya ilabi na sa aspeto sa make up atol sa coronation night, ingon man alang sa Q&A portion.
"I'm training with my hair for the finals. We have [glam] teams here, but I cannot, like, assure myself na matutulungan nila ako because, alam mo iyan MJ, during the finals, lahat na talaga ngarag na din, lahat nag-uunahan.
"So I really need to do my hair and make-up on my own. Isa yun sa mga pinagtutuunan ko ng pansin." Padayon usab siya nga nagpractice alang sa Q&A.
"I'm also trying to practice and to hone, you know, polishing the question-and-answer portion kasi it's gonna seal the deal na gusto natin.,” niya pa.
Nakighinabi usab siya og mga abogado, nagkadaiyang mga tawo aron makakita siya nagkadaiyang panlantaw ug baruganan sanglit ang gipangita sa Miss Universe mao ang kandidata nga makapalanog sa iyang baruganan ug opinion nga may diplomasya ug dili kay magpa cute lang.
Nagselos uy!
Wala itago ni Kim Molina nga nagselos siya sa bag-ong sexy star sa Viva Films, ang Sugbuanong si Sunshine Guimary nga bida sa pelikula nga Kaka. Ang uyab ni Kim nga si Jerald Napoles ang usa sa mga leading man ni Sunshine ug may mga init nga eksena ang duruha. Matud ni Kim nga okay ra sila ug nakasabot siya nga trabaho sa usa ka artista ang ingon niini nga eksena, apan nakalitan lang gyud siya hinungdan nga na emosyonal siya.
Dili lagi molayas
Giklaro ni Jhong Hilario sa usa ka interview nga dili siya mobalhin og network. Kay ang tinuod, wala siya'y offer nga nadawat. Ang bugtong rason lang gyud nganong nibiya siya sa It’s Showtime ug sa Your Face Sounds Familiar mao ang iyang anak nga gihimugso sa iyang partner niadto lang March 27. Niya pa, “Di ko iri-risk ang buhay ng anak ko dahil lang sa trabaho." May mga komentaryo matud pa siya nga nadungog nga molayas na siya sa ABS-CBN mao nga nanamilit siya sa iyang shows.
Back to school
Human sa 34 ka mga tuig, balik kolehiyo si Ruffa Gutierrez. Gipaambit sa actress/beauty-queen nga kasamtangan siya karon nga enrolled sa kursong Bachelor of Arts in Communication Arts sa Philippine Women’s University pinaagi sa Expanded Tertiary Education Equivalency and Accreditation Program (ETEEAP) niini. Suma pa sa 46-anyos nga si Ruffa, buot niyang matuman ang dugay na niyang damgo ug mahimong maayong ehemplo sa iyang duh aka mga anak nga sila Lorin ug Venice.
Buotanang Ivana…
I-donate ni Ivana Alawi ang tanang kitaon sa iyang Mother’s Day vlog nga gi-upload sa Youtube niining bag-o lang. Sa maong vlog, si Ivana maoy nag-make up sa iyang inahan nga si Fatima Marbella — o mas naila isip Mama Alawi, sa mismong Mother’s Day. Pagkahuman gisropresa nila ang ilang inahan og picnic style nga paniudto ug gihatagan og buwak. Nagpasalamat si Ivana nga naningkamot gyud ang ilang inahan nga mapadako silang upat ka mga magsuon bisan og single mother kini. Hinungdan nga, " napagkasunduan namin ni Mama na 'yung kita nitong video na 'to is ido-donate namin sa charity. Maghahanap kami ng mga charity na mga single moms katulad ng aming Mama.” Nanawagan si Ivana sa iyang fans nga suportahan ang iyang latest vlog aron dako ang iyang kitaon busa dako sab ang iyang ma-donate. Gawas kang Hash ug Mona nga kanunay niyang kauban sa iyang vlogs, aduna pay laing igsuon si Ivana nga ginganlan og Amira.
Mapun-an na pud
Adunay bag-ong mga character nga musulod sa FPJ’s: Ang Probinsyano nga gibituonan ni Coco Martin. Sa cycle 7 sa maong serye, madugang ang mga artista nga sila si Christian Vasquez, Cristina Gonzales-Romualdez, Aya Fernandez, Enzo Pineda, Paulo Angeles, William Lorenzo ug Simon Ibarra nga maoy mohatag og kinabuhi sa bag-ong mga character.