CEBU, Philippines — Subling magkatrabaho sila si Rocco Nacino ug Lovi Poe, human sa ilang panagbuwag niadtong 2016. Si Rocco maoy third party sa team up ni Lovi ug Benjamin Alvez sa GMA7 series nga “Owe My Love.” Niadtong 2019, napangutana si Rocco kun andam ba siya nga makigtrabaho og balik sa iyang ex-girlfriend nga si Lovi diin niingon siya nga dili pa panahon. Si Lovi nga nakuhaan og reaksyon kabahin niini atol sa us aka presscon sa nilabay nga tuig niingon nga walay problema niya, kun dili pa andam si Rocco, dili ra siya malain. Si Rocco bag-ohay lamang naminyo ngadto sa volleyball player nga si Melissa Gohing samtang si Lovi, ang Hollywood executive producer nga si Monty Blencowe ang ka relasyon.
9M na
Mapasalamaton si Loisa Andalio ngadto sa iyang fans gumikan kay niabot na ngadto sa nine million ang iyang followers sa Instagram. "HAPPY 9M IG. Always grateful. "A big thanks to you ALL! Stay safe pa din po! I love y’ALL!" Nalakip na siya sa Pinoy celebrities nga daghan kaayo’g followers sa IG sama nila ni Anne Curtis, Liza Soberano, Kathryn Bernardo ug Pia Wurtzbach.
Namali og tube
Nabali ang gisul-ob nga tube top ni Kris Bernal base sa post niya sa Instagram niadtong Easter Sunday. Pero wala nakamatikod si Kris niini ug ang iyang followers na maoy nagpaamgo niya. Nikatawa na lamang siya sa nahitabo ug matud pa niya, busy kaayo siya sa mga gimbuhaton maong wala siya nakabantay nga namali diay siya. Apan sa kadugayan, iya na lamang sab nga gisakyan ang nahitabo ug niingon nga iyang style ang balihon og sul-ob ang tube top.
Tabangan ang industriya
Naglisud si Miguel Tanfelix sa sistema karon sa lock in taping gumikan kay pinaspasay ang tanan ug walay igong panahon para makaandam sa mosunod nimo nga mga eksena. Suma pa niya, kinahanglan dili ka magtanga tanga ug magyaya. Apan bisan paman niini, naningkamot gyud siya sa iyang trabaho aron matabangan sab ang industriya ilabi na nga daghan na kaayong streaming apps nga kumpetensya. Magka loveteam sila si Miguel ug Kyline Alcantara sa drama anthology sa GMA7 “I Can See You” sa episode nga #Future nga nagsugod na niadtong Lunes sa gabii ug matapos karong Biyernes
Kinabrasan man gud!
Gihimakak ni Alexa Ilacad ang pasangil sa iyang bashers nga nagpa nose job siya o nagpa opera aron motaas ang iyang ilong. Nagsugod ni dihang nakitang may samad ang ibabaw nga bahin sa iyang ilong. Suma pa niya sa usa ka Instagram post, dili samad sa operasyon ang ilang nakita kundili, kinamrasan sa iyang iring nga gusto ra unta niyang hagwaon. Apan niya pa sab, makatawa na lang siya sa pasangil sanglit walay dautan kun magpa opera man ugaling.