CEBU, Philippines — Nagbuwag na or kahugmakon ba ang relasyon nila ni Kylie Padilla ug Aljur Abrenica nga nagbunga og duha ka mga anak?
Kini maoy pangutana karon sa netizens human sa sunod-sunod nga tweets ug posts ni Kylie niining nilabay nga adlaw nga mga salabtunon kaayo.
May post si Kylie sa Instagram diin nagpuwa siya og sapot, ug malipayon kaayo iyang dagway. Bugtong caption niini: Free. Gi-off niya ang comment section.
May na post sab siya nga litrato sa iyang wala nga kamot. Wala nay sul-ob nga wedding ring.
May post sab siya nga quote card nga nagkanayon: more self love, babygirl. May lain sab siya nga post nga naghisgot kabahin sa sex diin nagkanayon nga maayo kining butanga, apan kun pipila ka bulan na nga wala ka mahapuhap, lahi na kini nga istorya.
Nag-upload sab siya og video diin naglakaw siya sa ilang subdivision kauban sa ilang mga anak. Wala si Aljur sa video. May post pa siya nga nagkanayon: I’m submissive but not stupid.
Apan kana nga mga posts, gi-delete na ni Kylie
Samtang si Aljur, bugtog kamot niya nga naggunit og rosaryohan ang gi-upload. Caption niya niini mao: “Prayed the rosary on the road. Been praying for a while. The power of prayer is real. Brought peace and clarity. Thank you @vinabrenica for lending and guiding me.”
Nabuang, naulian tungod sa Tiktok!
Nihilak si Gina Pareno sa virtual presscon sa pelikulang Tililing human namahayag ang director niini nga si Daryl Yap nga ang mga sama sa nahisgutan nga usa ka banggiitang aktres maoy angayan nga hatagan og importansya sa industriya.
Pero sa pangutana kun na “tililing” ba siya kaniadto, ilabi na sa gugma, negatibo ang tubag ni Gina. Suma pa niya, dili matud pa maisip nga nabuang sa gugma ang usa ka tawo sanglit dili man buang ang mahigugma.
Apan kun pagkabuang ang hisgutan, nakasinati matud pa siya niini sa nilabay nga tuig gumikan sa pandemya. Nabuang siya sa makadiyot, maayo na lang kay nadiskubre niya ang Tiktok.
Sanglit dili makagawas sa balay aron makatrabaho ang senior citizen nga sama niya, ang Tiktok maoy nagluwas niya aron dili siya laayon.
"Nabaliw ako last year kasi hindi ako nakakaarte, so nag-TikTok ako.
"Nakakaarte ako sa kuwarto ko, sa bahay, e, di nakaraos ako, hindi na ako baliw ngayon.
"Nakaka-communicate ako sa kanilang lahat [followers niya] kaya masarap sa pakiramdam yun. At least, nakakaarte ka," ni Gina pa, kinsa adunay 1.6 million followers sa Tiktok.
Rica, kaniadto ug karon
Giangkon ni Rica Peralejo nga nagpa breast implants siya pag-edad niya og 18-anyos, apan iyang gipatangtang paglabay usab sa 18 ka mga tuig.
“Yes. When I was 18, nagpalagay ako ng boobs. Truth be told, I don’t really remember why I did that. I had my breast augmented — I had my implants — and I had them removed in 2017.”
“I felt like, with all the changes in my life, after how many years, I understood na hindi ko pala talaga kailangan ‘to. Hindi pala ako ‘to,” nagkanayon siya sa iyang latest vlog.
Apan iyang giklaro nga wala siyay dautang masulti batok sa mga nagparetoke og boobs.
“I have nothing against those na nagpa-boob job. Niya pa, “It’s just that, pag niri-recall ko kung ano ba ‘yung reason ko, hindi ko maintindihan, hindi ko maalala kung bakit ko ginusto ‘yun.”
Suma pa niya, nakabaton siya og kalinaw human niya gipatangtang ang iyang breast implants niadtong 2017.
Nahimong sexy star si Rica sa edad nga 19 anyos, diin nagbida siya sa “Balahibong Pusa,” “Dos Ekis,” ug “Tatarin,” nga puros gisalida niadtong 2001.
Suma pa niya, kun aduna man gani siyay gibasulan sa iyang pagka sexy star kaniadto, kana mao nga nahimo siyang rason nga nakasala ang mga tawo diha sa pulong ug sa buhat.
“‘Yung pagsisisi ko lang din is, what I did, caused other people to sin or at least aggravated or contributed to the defiling of who they are. That’s, of course, heavy on me.”
Nahimo siyang hinginom ug hinigarilyo--ang maong mga bisyo maoy nagganoy niya aron mag-usab sa iyang kinabuhi.
“Baka kailangan ko talaga siya, para sa sarili kong puso, para malaman ko na hindi ako perfect. At the same time, [my past] really highlights the grace of God in my life. He can save somebody like me and He will choose to save somebody like me,” niya pa.
Nahimong Born Again Christian si Rica ug niadtong 2010, naminyo siya sa pastor nga si Joseph Bonifacio diin aduna na sila karoy duha ka mga anak.
Tomboy si Nathalie!
Sila si Nathalie Hart ug Jane Oineza ang mga bida sa MMK episode karong Sabado. Very challenging alang kang Nathalie kining maong episode kay tomboy ang iyang papel ug uyab niya si Jane. Niya pa, naglisud siya sa intimate scenes kay inig tan-aw niya kang Jane, kiwawan siya, ug wala gyuy makitang gugma.
Gogogo, Osang!
Back-to-back ang mga pelikula ni Rossana Roces karong panahona taliwala sa pandemya. Apil siya sa Kotrabida nga bituonan ni Superstar Nora Aunor ug sa Revirginized ni Megastar Sharon Cuneta. Bag-o ra sab siya nilugwa sa Anak Ng Macho Dancer. Kahinumduman nga nisaad si Osang nga dili na gyud siya magnilabad sa trabaho karon nga nahatagan siya'g second chance sa showbiz.
Silay angay
Fan sa Joshlia (Joshua Garcia ug Julia Barretto) loveteam ang magtiayong Moira ug Jason hinungdan nga ang mga nahisgutan maoy ilang gipili aron magbida sa music video sa kanta nga Paubaya diin aduna na kini 19 million views sa Youtube. Suma pa ni Moira, haom gyud ang duruha sanglit ang tema sa iyang album nga nagtangag sa Paubaya mao man ang letting go ug forgiveness.
Encounter
Nagsugod na ang shooting sa Pinoy adaptation sa Korean movie nga Encounter diin bida sila si Diego Loyzaga ug Christine Reyes. Si Jeffrey Jeturian ang direktor ug isalida kini sa TV5 puhon.
Kapusong
Albert
Motabok matud pa paingon sa GMA7 si Albert Martinez diin aduna siyay himuong teleserye nga isalida sa afternoon block. Katapusan siyang nakita sa toprating ABS-CBN series Kadenang Ginto.