Naalkanse na matud pa og P500M ang Brightlight Productions gumikan kay wala mo arangkada sa ratings game ang mga salida nga ilang gigama ug gipalugwa sa TV5. Suma pa nga ang gag show ra nga Sunday Kada maoy arang-arang. Apan ang uban walay commercial load busa wala pa makabawi sa nagasto. Lakip sa mga salida sa Brightlight Productions mao ang Sunday Noontime Live ug Lunch Out Loud.
Dili magpalupig sa kabit
Kana matud pay mensahe nga buot ipaabot sa ilang teleserye nga Magkaagaw nga mobalik na sa GMA7 ugma, suma pa sa usa sa mga bida niini nga si Sunshine Dizon atol sa virtual presscon nga gitambongan sab nila ni Sheryl Cruz, Polo Ravales, Dion Ignacio, Klea Pineda ug Jeric Gonzales.
Litaniya ni Sunshine dihang gipangutana sa PEP kabahin sa mensahe sa maong teleserye: “That family is very important, na hangga’t pwede mo pang ilaban para mabuo yung pamilya mo, kailangan mong ilaban iyon.
"At ‘wag magpapatalo sa mga kabit.”
“Ayun!” nagkatawang lenggua og kalit ni Dion.
Busa nangutana si Sunshine kang Dion ug nibuhakhak.
“Bakit ka tumatawa? Totoo naman, di ba? Hindi ka pwedeng magpatalo sa kanila kasi matutuwa sila.”
Maka relate kaayo si Sunshine niini, sanglit niadtong 2016 gikiha niya iyang bana u gang kabit matud pa niini. Pagkakaron, civil ilang tinagdanay sa usag-usa gumikan sa ilang anak.