Ni-back out na sa Miss Universe Philippines pageant ang pambato sa Sorsogon nga si Isabela Galeria human naka recover sa Covid 19. Nagpositibo siya niadtong September 27, ug niya pa sa iyang announcement niadtong Huwebes, October 11 pa na siyang gideklara nga negatibo na sa virus. Usa unta si Isabela sa giisip nga dako og kahigayonan nga makoronahan isip labing unang Miss Universe Philippines (kanhi Bb.Pilipinas-Universe).
“Pandemic Superstar”
Sunod-sunod ang proyekto ni Kim Chiu sa ABS-CBN hinungdan nga siya matud pa ang angayan nga tawgong “Pandemic Superstar”. Kini kay human sa iyang teleserye nga Love Thy Woman, gipasulod dayon siya isip regular co-host sa It’s Showtime. Apil gihapon siya sa ASAP Live, ug may horror movie pa siyang ipasalida. Sa December aduna siyay series nga himuon nga mag-ulohan og “ Bawal Lumabas” kauban si JC de Vera.
Daghang Trabaho
Sama kang Kim Chiu, laing wala mawad-i og trabaho mao si Kokoy de Santos. Human sa BL series niya nga Gameboys kauban si Elijah Canlas, diin gihangop og maayo sa netizens ang maong proyekto, aduna na sab siyay laing series nga mao ang Oh Mando,kauban sila si Alex Diaz ug Barbie Imperial. Aduna sab siyay umaabot nga teleserye sa TV5 nga mao ang Stay In Love kauban si Maris Racal. Guest siya sa Bawal Judgemental episode sa Eat Bulaga niadtong Huwebes ug guest sab siya sa pilot episode ugma sa Sunday Noontime Live sa TV5.