CEBU, Philippines — Niulbo karon ang taho nga matud pa makabaton og dakong proyekto sa TV5 ang Kapamilya star nga si Sue Ramirez. Giingon usa ka politiko ang producer niini.
Nataptan sa COVID-19
Nalandig sa tambalanan ang tag-iya sa Mr. Gay Ph nga si Wilbert Tolentino ug padayon niya gibatokan ang COVID-19. Nanawagan siya sa iyang mga higala nga iampo ang iyang pag-ayo sa maong sakit.
Nakulbaan gamay
Giangkon ni Sam Milby nga medyo nakulbaan siya sa dihang naka-eksena niya si Maricel Soriano sa seryeng Ang Sa Iyo Ay Akin’. Dakong garbo alang kaniya nga makatrabaho ang usa ka Diamond Star.
Walay sapaway
Gitataw ni Iza Calzado nga walay “sapaway” nga mahitabo sa mga eksena nila ni Jodi Sta. Maria sa seryeng “ Ang Sa Iyo Ay Akin”. Suma pa ni Iza tulin ra ang dagan sa taping gumikan sa ilang kooperasyon.“Yung sapawan hindi ganun eh. First of all, alam mo dapat kung ang eksenang ito ay highlight nung character. Ikaw dapat ay you are a support there. Pero kami kasi dito, a lot of our scenes, you have to play your role. Teamwork kasi kami dito ,” suma pa ni Iza.
Peke nga hulagway?
Tak-om lang sila si Marvin Agustin ug Markki Stroem kalabot sa nikatap nga hulagway kun diin makita nga nagtupad sila samtang naghigda . Pipila sa fans ni Marvin ang nipadayag nga peke ang maong hulagway.
Magpabilin sa ere
Mapasalamaton si Willie Revillame sa mga kadagkoan sa GMA-7 gumikan sa pag-renew niini sa kontrata sa show niya nga Wowowin. “Masaya po ako dahil, una sa lahat, tuluy-tuloy po ang programang ito,” ni Willie pa.
Tulo ka tuig na
Gisaulog nila ni Rochelle Pangilinan ug Arthur Solinap dili pa lang dugay ang ilang ikatulo nga wedding anniversary. "Happy 3rd wedding anniversary ulit .Thank you sa masayang araw! Nagawan natin ng paraan i-celebrate kahit simple pero masaya ,” suma pa ni Arthur.
Mga pagsulay ni Gerald
Gibutyag ni Gerald Anderson nga dili gyud lalim karong panahona. Gawas sa nahunong nga operasyon sa ABS-CBN , naapektohan usab ang iyang negosyo tungod sa pandemya. “It’s a different situation. This is life and death. This is being sick. Your livelihood is being taken away from the ABS-CBN shutdown, my fitness business — the gym — is at stake because of the lockdown. It taught me how to be more resilient. And this situation taught me how fast things can be taken away from you.,” suma pa ni Gerald sa Star Magic Special sa Metro.Style.
Atangan gyud
Gikatahong duna pay mga pasabog sa umaabot nga episodes sa Boys Love series nga Gameboys nga gibidahan nila ni Elijah Canlas ug Kokoy de Santos. Gikatahong trending kanunay sa mga social networking sites ang maong BL series.
Ubos sa kahoy
Gibutyag ni Jericho Rosales nga mag-yoga siya matag buntag. Buhaton niya kini ubos sa kahoy nga nahimutang gawas sa iyang balay. Suma pa ni Echo siya mismo ang nagtanom sa maong kahoy.
Ogie ug Moira nag-collaborate
Mag-uban sila si Ogie Alcasid ug Moira dela Torre alang sa new single nga “Beautiful."
Taod -taod na matud pa gisugdan og suwat ni Ogie ang maong awit ug nahuman gyud kini panahon sa lockdown. "I hope and pray that people will be blessed with what we have produced.
This is for you dear Jesus because everything you’ve done for us is simply beautiful,” suma pa ni Ogie. Ipalanog ang maong awit sugod karong Biyernes, August 14.
“Hello Stranger” naka-9M views na
Samtang naghinapos ang BL series nga “Hello Stranger", nagkasaka usab ang gidaghanon sa viewers niini.
Nakabaton na kini og 9 million views sukad sa pagsugod niini.
Ang maong show gibidahan nila ni Tony Labrusca ug JC Alcantara. Ang final episode niini gikatakdang i-release karong August 19.