Dimples,hurado sa International Emmy Awards

CEBU, Philippines — Dili masukod ang kalipay ni Dimples Romana human siya natudlo isip usa sa mga hurado sa prestihiyosong  International Emmy Awards karong tuiga.

Ang maong kalihokan gidumala sa International Academy of Television Arts and Sciences (IATAS) ug naghatag og mga pasidungog sa mga programa sa telebisyon.

Ang maong tinuig nga kalihokan mahitabo matag November  nga tambongan kasagaran sa  1,200  ka mga bisita.

Dakong garbo alang kang Dimples nga mahimong kabahin sa maong kalihokan.

 Suma pa niya  nga nag-online meeting na sila sa iyang mga kaubanan sa maong show  ug gi-post niya sa Instagram ang screenshot niini.

 “Today was a magical day   I was invited by the International Academy of Television Arts and Sciences to be a juror for the iEMMYs, The International Emmy Award is given to recognize the best television programs initially produced and aired outside the United States. And to be alongside these amazing industry partners is quite humbling. PILIPINAS and Kapamilya Represent @iemmys #iemmys a big THANK YOU shout out also to Sir Michael McKay, Nathaniel Brendel, Louisa Lim and ActiveTV Asia (Singapore),” suma pa sa IG post sa aktres.

Enchong dunay awhag sa ubang artista

Pagkahuman og tambong ni Enchong Dee sa  noise barrage  sa gawas nga  bahin sa ABS-CBN, gidasig niya ang ubang Kapamilya stars nga motingog pud sa pagpanalipod sa ilang mother network.

 Usa si Enchong sa mga nasagmuyo nga wala ma-renew ang prangkisa sa ABS-CBN.

Nagkanayon si Echong nga isip Kapamilya star,  dili ron panahon nga magpakahilom lang  ug kinahanglan nga ipalanog gyud nila ang pagdepensa sa ABS-CBN.

Matud pa sa aktor nga 15 ka tuig na siya sa ABS-CBN.

"Sa mga kasamahan ko sa ABS-CBN, kasama niyo ko hanggang muling magbukas ang tahanan natin. At sa mga kapwa ko artista, hindi ito ang oras para manahimik, maging totoo tayo sa salitang #kapamilya.,”tweet pa ni Enchong.

Namaligya og manok

Samtang wala pa ‘y mga  gig tungod sa pademya,  ang pagpamaligya  og piniritong manok ang gikabisihan sa rapper nga si Gloc-9.

Suma pa sa singer nga kinahanglan gyud siya nga maningkamot karongbpanahona ilabi  na nga dili pa matino kun kanus-a siya maka-gig og balik.

Gawas sa pagpamaligya , gisudlan usab niya ang cooking vlog. 

Pagpangga sa anak

Gibutyag sa komedyante nga si K Brosas nga suportado gyud niya ang iyang anak nga si Crystal kinsa niladlad sa iyang pagka-tomboy.

Matud pa niya nga iyang pinangga ang iyang anak busa suportahan gyud niya ang mga butang nga ikalipay  niini. “”

 “Ang sexual preference ng anak ko, walang kinalaman sa pagmamahal ko sa kanya,” suma pa ni K. 

MV sa Ben&Ben gipistahan

Gikagobtan sa netizens ang music video sa awit sa Ben&Ben nga “Nakikinig Ka Ba Sa Akin” ug kasamtangan kini nga trending sa YouTube Philippines.

Nilugwa usab niini sila si  Agot Isidro, Bart Guingona, Jasmine Curtis-Smith, ug Kelvin Miranda.

Pipila sa mga sikat nga awit sa Ben&Ben mao ang Leaves  , Kathang Isip , Araw-Araw , Pagtingin ug uban pa.

Dante Gulapa nagpatabang

Nagpakilouy sa publiko ang  internet sensation nga si Dante Gulapa unta mahatagan siya og trabaho.

Suma pa ni Dante nga  wala  gyud siya’y  panginabuhian tungod sa health crisis sa nasud.

Napun-an pa gyud ang iyang problema human sila nag-away sa iyang asawa ug wala na sila nag-ipon niini.

Nancy dunay Pinay best friend

Puwerting lipaya sa miyembro sa K-Pop group nga Momoland nga si Nancy McDonie gumikan kay nag- mini reunion sila sa iyang Filipina best friend nga si Charlie Dizon.

Nasayran nga nisulod napud diay sa showbiz ang iyang best friend ubos sa  Rise Artists’ Studio.

Sa higayon nga motikang si Nancy sa Pilipinas , makigkita gyud kini kang Charlie.

“She takes me everywhere, like she picks me up in my hotel, she shows me all these great places and like restaurants and even like people too,” suma pa ni Nancy.

Regine naluya sa sitwasyon

Giangkon ni Regine Velasquez nga samtang nagdagan ang adlaw , daw naluya na siya tungod sa sitwasyon sa iyang mother network nga ABS-CBN nga gibabagan sa pipila ka mga kongresista nga ma-renew ang prangkisa.

“Habang tumatagal aaminin ko napanghihinaan na ako ng loob.Hindi ko alam kung may trabaho pa kaming lahat,” tweet pa singer.

Usa si Regine sa mga lig-ong personalidad sa ABS-CBN.

“Ang nakakalungkot parang ikinatuwa pa ng mga taong dapat ay nagtatangol sa ating karapatan.Bakit ganito??? Sana panaginip lang lahat ng ito ,” dugang tweet ni Regine nga dali niya nga gipapas.

Troll ra diay

Suma pa ni Gabbi Garcia nga walay epekto kaniya sa dihang gitawag siya og bogo sa usa ka netizen human siya nihatag og simpatiya sa ABS-CBN . Suma pa ni Gabbi nga usa kini ka troll busa wala kini kuwenta . “Pakisama rin sa inyong mga dasal ang mga taong walang puso at konsensya. Lalo na sa panahon ng pandemya,” suma pa niya.

Busy gihapon 

Ang pagmugna og bag-ong entries sa iyang  vlog ug pagtabang sa mga naapektohan sa  pandemya maoy gikabisihan karon ni Ivana Alawi.   Wala pa’y ideya si Ivana sa mahimong kapalaran sa iyang teleserye nga “Ang Mga Lihim Ni Ligaya”.

Billy mobalik sa GMA?

Niulbo ang report nga matud pa nga ganahan mobalik sa GMA-7 si Billy Crawford. Tak-om pa ang kampo ni Billy sa maong taho.

Namaligya og palitaw

Samtang wala pa’y raket sa showbiz, ang pagpamaligya og palitaw may usa sa mga panginabuhian sa komedyante nga si Gladys Guevarra. Kahinumdoman nga performer usab si Gladys kaniadto sa mga comedy bar nga nanira sukad nagsugod ang pandemic.

Tapuson sa September?

Miulbo karon ang taho nga kutob na lang sa September ang teleseryeng  Ang Probinsyano nga kasamtangang gipasalida sa Kapamilya Channel. Giingong maglisod na kini og sustiner kung patas-an pa og maayo ang istorya niini. 

Gisumsoman gihapon

Bisan replay lang ang Ika-6 Na Utos sa GMA-7 ,   trending gihapon sa social media ang mga episode niini. Gikalagotan gihapon  ang karakter ni Ryza Cenon nga nidala isip kontrabida.

Gipaningil sa kanhi higala

Usa ka  kanhi higala ni   Sheryl Cruz nga  nagpaila nga Alex ang nidangop sa programa ni Raffy Tulfo ug iyang gireklamo ang aktres nga matud pa wala kabayad sa utang niini nga P100,000. Giingong  nagamit kini sa dihang nisulod si Sheryl sa politika niadtong 2019. Sa pagsuwat niining balitaa, wala pa mohatag og statement ang aktres kalabot niini.

Wala’y ideya

Gitataw ni Kris Aquino nga wala siya’y ideya sa rason nga nauswag ang show niya sa TV5 . Suma pa ni Kris nga taas ra siya og pasensya  ug nagmalaumon ra siya nga makabalik puhon sa telebisyon.

Jen milaban sa Dos

Nangugat gyud ang Kapuso actress nga si Jennylyn Mercado sa paghatag og simpatiya sa ABS-CBN. Suma pa sa aktres nga  dili lalim ang sitwasyon sa mga empleyado  nga maapektohan niini.

Nagbangotan ang mga kaubanan

Nagbangotan ang   industriya sa Hollywood tungod sa kamatayon sa aktres nga si Naya Rivera. Kahinumdoman nga human  sa  lima ka adlaw nga pagpangita , nakaplagan na ang lawas  nga walay kinabuhi  sa Glee actress nga si Naya .Nakit-an ang iyang lawas nga naglutaw sa northeast area  sa Lake Piru, sa Southern California. Gikatahong nalumos ang aktres.