^

Banat Showbiz

Panawagan sa Kapamilya stars

Junas Dungog Flores - Banat

CEBU, Philippines — Dungan nga nanawagan ang mga bitoon sa Kapamilya series  nga “FPJ’s Ang Probinsyano,” “Love Thy Woman,” “24/7,” ug “Ang Lihim ni Ligaya” ngadto sa publiko nga  magsul-ob gyud og face mask aron maprotektahan ang ilang lawas.

Ang kampanya gipasiugdahan nila ni Coco Martin , Yassi Pressman ,John Prats, Bianca Manalo, Michael De Mesa, John Arcilla, Shaina Magdayao, Rowell Santiago, ug Lorna Tolentino.

Tipik kini sa kampanya nga #MasOkPagNakaMask nga kabahin sa  “Ligtas Pilipinas” advocacy sa  ABS-CBN.

“Stay at home, Kapamilya! Pero kung kinakailangan talagang lumabas, dapat ay may nakahanda kang washable mask. Gawin natin #LigtasPilipinas at ang ating mga pamilya,” suma pa sa social media post sa Dreamscape.

Nag-upload usab og  video sila si Ivana Alawi, Angel Aquino, ug Melissa Ricks nga nagtudlo sa pagmugna og kaugalingong mask.

Nisalmot usab sa  kampanya ang “Love Thy Woman” stars nga sila si Yam Concepcion, Eula Valdes, Sunshine Cruz, Zsazsa Padilla, Jen Sevilla, David Chua, MJ Cayabyab, Richard Juan, ug Tim Yap.

Wala usab nagpaulahi sa pagsuporta niini ang “24/7”  ug “Ang Lihim ni Ligaya”  stars

nga sila si JC Santos, Joross Gamboa, Pen Medina, Joem Bascon, Bodjie Pascual, Kit Thompson, Agot Isidro, Ryle Santiago, ug Hasna Cabral.

Dili kang Jessica

Hugtanong gihimakak sa  GMA News and Public Affairs  ang taho nga matud pa tingog sa award-winning journalist  nga si Jessica Soho ang nag-viral karon nga  voice clip.

Sa maong voice clip, madungog ang tingog sa  babaye  nga nagdasig sa katawhan nga mag-stock og daghang pagkaon.

Nanawagan sa publiko ang maong news organization nga dili i-share ang maong voice clip.

Simple nga selebrasyon

Nagsaulog sa iyang 13th birthday ang anak ni Kris Aquino nga si Bimby didto sa usa ka resort sa Puerto Galera. Natanggong sa maong resort si Kris ug mga anak niini nga silang Bimby ug Josh  human dili na makapauli tungod sa enhanced community quarantine. Gipaambit ni Kris sa social media ang ilang mga hulagway sa nahitabong yanong selebrasyon sa birthday sa iyang anak.

Workout routines

Gipaambit sa magtiayong Troy Montero ug Aubrey Miles sa social media ang ilang daily workout routines  samtang nagpadayon  ang enhanced community quarantine. Gawas sa pagka-negosyante, usa sab ka certified fitness trainer si Aubrey. “We’re all going through tough times. This is the time you can reset and build a new habit. Just sharing our workout and I hope you guys enjoy. 10-12 Repetition, 3x per workout,”sigon pa ni Aubrey.

Bayad sa tupi

Si Boyet Ahmee ang  nag-make up sa iyang asawa nga si Dimples Romana , mao kini ang nagsilbing bayad sa pagtupi sa iyang asawa kaniya nga kapareho sa hairstyle  ni Park Seo-joon. “At dahil ginupitan ko sya last time ala Park Seo Joon @boyetahmee , this time I’m letting him do my make up. Parang pinagsisisihan ko na ‘tong bayad kong ’to ha,” sigon pa ni Dimples.

Gikahadlokan  ni Carol

Gipaambit ni Carol Banawa ang pinakagihadlokan niya isip frontliner sa COVID-19 pandemic didto sa USA isip registered nurse kay mao ang madala niya ang virus sa ilang balay ug mataptan ang anak nga adunay hubak."My greatest fear is bringing the virus home. Kasi like my daughter, she’s considered high risk kasi may asthma siya. My husband, he’s in the military," sigon pa niini.

Pagbantay sa  scammer

Nipahimagno ang komedyanteng si Vice Ganda ngadto sa iyang 15.2 million followers sa Facebook nga dili motuo sa mga scammers nga nigamit iyang pangalan sa pagpangilad. Gikatahong nisaad ang maong scammer nga manghatag siya og P5,000 pinaagi sa “Vice Ganda tulong center.” “FAKE! Mag-ingat po tayo sa mga fake news at mga scammer! Mga manggagantso!!!! Mga demonyo!!! #SCAM,”post pa ni Vice.

Gitupihan ang amahan

Nahimout pag-ayo ang Instagram followers sa  Kapamilya hunk actor Zanjoe Marudo gimikan sa post niini kun diin makita nga siya mismo ang nagtupi sa iyang amahan. Nasayran nga wala’y abli nga mga barbershop tungod sa enhanced community quarantine. “I hope someday my son will cut my hair,"post pa ni Zanjoe.

COVIDians

Nagkahiusa ang mga komedyante sa nasud para sa paghatag og kalipay ngadto sa mga pinoy pinaagi sa “COVIDyante”. Gipaambit ni Janno Gibbs sa Instagram ang gihimong Covidyante viber group sa mga komedyante. "Ang kuleeeet!! @herbertbautista @ogiealcasid @vhongx44 @msaiaidelasalas @iambayaniagbayani Just some of the many Covidians on the thread. Cooking up something for a good cause,” post pa niini.

Nasakpan sa inahan

Nasakpan sa iyang inahan nga si Mommy Fatima Marbella ang Kapamilya star Ivana Alawi nga nakig-video chat ngadto ni DJ Loonyo. Sa usa ka video nga gi-upload sa Loo Vana Natic's Official Twitter account, makita kung giunsa pagbuking ni Mommy Fatima si  Ivana. “Nakikita kita, lagi mong ka-[video] chat si DJ Loonyo hanggang ngayon ah. Hmmmm,"sigon pa sa inahan ni Ivana.

Namuti na

Gipaambit ni Pauleen Luna ang bag-ong kuha nga family photo nila sa anak nga si Tali ug bana nga si Vic Sotto. Sa maong hulagway, makita ang tinuod nga kolor sa buhok ni Vic nga puti na.

Namatay ang amahan

Masubong gipahibalo ni Beauty-queen maker and talent manager Jonas Gaffud sa Instagram nga namatay ang iyang amahan nga si Juan Gaffud sa edad nga 73 anyos. Kahinumduman nga nag-post si Jonas sa social media nga nanginahanglan siya og dugo alang sa iyang amahan. Wala gipahibalo niini kung unsay gikamatyan sa amahan.

KAPAMILYA STARS

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with