May part 2 pa!

CEBU, Philippines — Giandaman ni Kapuso hunk actor Derek Ramsay og sweet and romantic nga dinner ang uyab niini nga si Andrea Torres   isip part two sa iyang hugyaw nga Valentine's Day surprise sa miaging adlaw. Sa ilahang date, giestoryahan nila kung unsa ang nagustuhan nila sa usa'g usa ug unsa ang ilang gusto mahitabo sa ilang relasyon.

Todo pangandam

Kasamtangang nipahigayon og grabeng training ang Kapamilya actor Joshua Garcia alang  sa upcoming action film niini. Gibati matod pa siya og pagpanakit sa iyang lawas. “Ramdam na ramdam ko nga yung pain sa katatwan ko, eh. Nagkatama ako sa mukha. Tapos may tama din ako sa tuhod. So kahit ano pang pain yung ma-experience ko sa pagte-training, okay lang kasi natututuo naman ako. Lumalakas ang loob ko,"asoy pa niini.

Mipakita sa mga talento

Gipakita sa 2020 Binibining Pilipinas candidates ang ilang hugyaw nga mga  talento. Ang talent competition  sa  maong beauty pageant nahitabo niadtong  Valentine's Day. . Human niini,  gikatakdang magsunod-sunod na ang mga kalihukan sa maong indigay sa dili pa ang coronation night niini karong Abril 26 didto sa Araneta Coliseum.

Feedback nga makapalipay 

Gipaambit sa 'Make It With You' star Liza Soberano ang most rewarding nga butang nga madawat niya isip negosyante mao matod pa ang nindot nga feedback sa  iyang mga kostumer. Gipanag-iya niini ang negosyong Hope Wellness. “I think the most rewarding thing is when you hear people say or post about Hope Wellness and they say, ‘Nawala lahat ng stress ko.’ Parang yun yung pinaka-target talaga namin. We want to relieve people of everything they’re going through,"asoy pa ni Liza.

Miklaro sa isyu

Mihatag og katin-awan si Jay Durias kalabot sa tsismis nga daw nagkauyab sila kaniadto sa aktres nga si Janice de Belen. Giasoy niini nga suod sila nga managhigala ni Janice busa dili gyud malikayan nga maintriga silang duha. “We’re very, very close. Masyado lang pinalaki. But we’re family friends talaga since noon pa. They’ve been there to support us.Siguro talagang ginawan lang [ng intriga],” sigon pa ni Jay.

Pang-Oscars!

Gidayeg sa Watch List director Ben Rekhi ang acting skills sa aktres nga si Alessandra de Rossi ug giasoy niini nga pang-Oscars ang kalidad sa talento niini. Usa si Alessandra sa mga cast sa pelikulang Watch List. “Alessandra’s talent is something I’ve never seen before. I’ve worked with a lot of actresses in the West even like Academy award-winners and the level of talent that Alessandra brought to this film is incredible. I think she can win an Oscars one day,"asoy pa niini.

Nangandam sa kasal

Gipaambit sa Kapamilya actress Angel Locsin nga wala una siya nipirma og kontrata sa ABS-CBN karon sanglit buot una niyang magpokos sa pagpangandam sa ilang kasal ni Neil Arce. Gipaambit niya kini pinaagi sa usa ka social media post diin nipagawas sab siya sa iyang sentimento sa mga empleyado sa ABS-CBN nga kuyaw makulban og kaldero nunot sa natanggong nga franchise renewal sa Kapamilya network.

Natuman na gyud

Nahatagan og kahigayonan  nga makab-ot ang iyang pangandoy ang The Voice Teens 2 candidate nga si Clare Siggaoat human nituyok ang upat ka mga judges nga silang Bamboo, Sarah Geronimo, Leah Salinga ug Apl de Ap atol sa blind audition diin giawit niya ang kantang "Rise Up" ni Andra Day. Gipili ni Clare si Bamboo isip iyang coach kinsa idolo niya kaniadto pa.

Diyosnon nga laki

Mihatag og tambag ang singer nga si Rachelle Ann Go ngadto sa mga dalaga kalabot sa pagpili og lalaki nga ilang minyoan. Importante matod pa nga makadiyos ang lalaki nga ilang maminyo. "Sa lahat ng single ladies out there, you have to choose a Godly man. Feeling ko kapag hindi kayo kapareho ng faith, medyo magulo talaga,"sigon pa ni Rachelle.