Mapuno sa sinagpaay

CEBU, Philippines – Gikan sa pagkabata hangtud sa linghod nga pangidaron, nag-uban  sa kalipay apan wala damha nga mausab og kalit ang dagan sa kapalaran  kun  diin gikan sa soud kaayo nga panaghigalaay , mahimo na kini nga init nga magkaaway.

Mao kini  ang usa sa mahimong dagan sa istorya sa bag-ong  teleserye sa GMA-7 nga Anak ni Waray vs Anak ni Biday nga nagsugod niadtong Lunes,  January 27.

Suma pa sa  mga bida niini nga sila si Barbie Forteza ug  Kate Valdez  nga seguradong malingaw  gyud ang viewers  niini. Nitikang sila si Barbie ug   Kate dinhi sa Sugbo dili pa lang dugay alang sa promosyon sa maong teleserye.

Nagkanayon si Kate nga dakong garbo alang kaniya nga malakip sa maong proyekto  kun diin nakauban niya ang mga lig-ong line-up sa mga artista.

Usa kini ka  TV adaptation sa  1984 hit movie nga Anak ni Waray vs Anak ni Biday.

‘Sobrang saya ko  nung nalaman ko na nakapasok ako didto , sobrang galing ng kasamahan ko,” matud pa ni Kate.

Nakauban nila ni Kate ug Barbie sa pagtikang sa Sugbo mao si Migo Adecer.

Suma pa ni Migo  nga mapasalamaton siya sa GMA-7 gumikan kay   gihatagan dayon siya og dakong proyekto pagkahuman sa Sahaya.

“Kontento naman ako sa takbo ng career ko,  thankful ako sa GMA dahil binigyan nila ako agad ng trabaho,”  matud pa ni Migo.

Gawas sa pag-arte, target  puhon  ni  Migo nga sudlon ang music industry. Matud pa niya nga duna siya’y kasamtangang kanta nga gigama karon ug iyaha ra kining ipalanog puhon .

Nalakip usab sa maong teleserye sila si  Snooky Serna. Dina Bonnevie, Jay Manalo, Teresa Loyzaga ug  Faith Da Silva.

Samtang si Babie sa iyang bahin, gibutyag niini nga  magbaha matud pa mga sinagpaay nga eksena sa maong teleserye.

“ Maraming sampalan didto,  at iba pang nakaka-excite na mga eksena,” suma pa ni Barbie sa dihang nahinabi sa E-Group.

Dili gyud malilong  ang kasuwerte sa career ni Barbie  ug  makonsiderar siya karon nga usa sa mga lig-ong artista sa GMA busa giila siya karon nga Primetime Princess.

“Kahit  ibat-iba  ang nagiging ka –loveteam  ko, makikita mo na inaalagaan talaga ako ng GMA . Talagang hinanapan nila ako ng way para mag-excel mag-isa,” suma pa niya.

Dili pilian og proyekto  si Barbie   ug usa kini sa iyang napanglantawan kun nganong  nagpabilin siya sa industriya.

“Kahit anong proyekto, okay lang , basta huwag lang masyadong sexy  or offensive, siyempre, hindi pa tayo ready diyan. Or kung hindi sakop ng capabilities ko,”   matud pa niya.

Matud pa niya nga dako og salig ang GMA-7 kaniya busa dili siya mohimo og butang nga ikasagmuyo niini.

“Respeto na rin syempre sa network na nagtiwala sa akin, na alam ko na hindi ako pababayaan, so bakit ako tatanggi, diba?”,” hirit pa ni Barbie.

No special treatment

Gipangandaman gyud og maayo ni Sue Ramirez  ang teleseryeng A Soldier’s Heart.  Siya lang ang nag-inusarang babaye sa ilang grupo  ug gitataw niya nga wala’y special treatment atol sa taping niini.

Bag-ong cover ni KZ

Gilingaw na usab ni  KZ Tandingan ang iyang fans pinaagi sa iyang  cover sa  “Air Mail Special.”  Si Ella Fitzgerald maoy nagpasikat sa maong awit niadtong 1941.  “First attempt at completing this monstrous scat piece by THE LEGEND, ELLA FITZGERALD.Still have A LOOOOT to improve on and polish, but I’m proud of my small progress,” suma pa sa iyang IG post.

Nataypan sa netizens

Padayon nga gipistahan sa netizens  ang anak ni  Ina Raymundo nga si Erika Poturnak.  Ang talagsaon nga kaanyag  ni Erika maoy nakapahumot sa iyang pangalan.

True friends

Gitawag ni    Julia Barretto nga    ‘true friends’  niya sa showbiz sila si  Chie Filomena ug  MJ Cayabyab. Matud niya nga  kanunay gyud siya panalipdan niini ilabi na kun tirahan siya sa  iyang bashers.“Siyempre marami na rin akong napagdaanan di ba, so parang sa mga pinagdaanan kong ‘yon, doon ko nakita yung mga hindi takot akong ipaglaban, yung mga hindi takot na ipakita na kaibigan ako,” saysay pa ni  Julia atol sa paglugwa niya sa Magandang Buhay.

Ikaduhang kinahuhi

Mapasalamaton  si Kristine Hermosa gumikan kay niarang-arang na ang kondisyon sa iyang igsoun nga si  Kathleen.  Nasayran nga nalandig sa tambalanan  ang aktres nga si Kathleen. Wala hinoun gibutyag ni Kristine ang sakit sa iyang igsoun apan gibutyag niya nga mao na kini ang ikaduhang kinabuhi ni Kathleen. “Biglaang pagsubok, lungkot, sakit, pagod at puyat—pero iba ang plano ng Diyos... sa lahat ng biglaan na ‘yun... Salamat Lord sa biglaang pagkakaibigan at damayan, lalo na sa pangalawang buhay na ibinigay mo sa kapatid ko,” suma pa sa IG post ni Kristine.

TV comeback

Malipayong gipahibalo   ni  Melissa Ricks nga mobalik na siya sa showbiz.  Malakip  si Melissa  sa upcoming series ni  Julia Montes nga  “24/7.” Taod-taod  nga nipahuway  si Melissa sa pag-arte busa puwerting lipaya sa iyang fans pagkahibalo  sa iyang TV comeback.

Target ni Sheryn

Kun ang  “Crystal Voice of Asia” nga si Sheryn Regis ang pasultion,  ganahan  siya nga  mobalik sa pag-arte.”Gusto ko for good. Kasi nga gusto ko bumalik sa acting. Remember nag-’Betty La Fea’ ako before. Gusto ko ulit, ‘yung role na hindi lang masyadong iiyak. ‘Yung parang comedy, romance-comedy, yes gusto ko ‘yung ganyan,” ani Sheryn na nakabase sa Texas kung saan naroon ang kanyang asawa at anak,” saysay pa niya ngadto sa ABS-CBN News.

Sa miaging tuig pa

Giangkon ni Marcelito Pomoy nga sa miaging tuig  pa diay siya gitanyagan nga mosalmot og  ‘America’s Got Talent’  apan na-busy siya niadtong higayona.  Kahinumdoman nga gisuwerte si Marcelito sa pagsalmot  niya sa maong kompetisyon karong tuiga human nakadawat siya og standing ovation gikan sa mga hurado.

Suporta sa mga higala

Nitambong  ang GMA-7 stars nga sila si  Janine Gutierrez ug Rayver Cruz sa premiere sa  Star Cinema film nga Block Z. Puros nila mga higala ang mga bida sa maong pelikula nga sila si  Julia Barretto ug Joshua Garcia.

Midonar og P1M

Gipadangat  ni Willie Revillame ang P1M ngadto kang  Vilma Santos isip iyang hinabang  sa  Taal evacuees.  Nagsaulog si Willie sa iyang birthday  dili pa lang dugay ug tinguha  gyud niya nga makatabang sa iyang isigkatawo busa wala ra siya mopahigayon og engrandeng party.