Molugwa sa ASAP tungod sa Tala
CEBU, Philippines — Bisan pa man nga nitungtong na ang 2020, nagpadayon gihapon ang paglawig sa dance hits ni Sarah Geronimo nga Tala.
Gianunsyo sa ASAP Natin ‘To pinaagisa Instagram nga molugwa ugma sa maong long-running Sunday variety ang pipila ka netizens nga nag-viral tungod sa entry nila sa ultimate ‘Tala’ dance challenge.
Usa na niini mao ang policeman nga nikulit og atensyon tungod sa pagsayaw niya og Tala.
Ang maong dance cover video ni Pat Arafat Santos Tagoranao nakakuha na og kapin sa million views sa Facebook.
Ang ubang video nga nag-viral maoy ang pagsayaw nila ni Bacboyz sa Parañaque, Daddy Marc sa Pasig, Amadanza sa Pampanga, Far Eastern University (FEU) Physical Education teachers, u gang dancing psychologist nga taga Tanay, Rizal .
Roxanne nagmugna og hugyaw nga cover
Sa pagsugod sa 2020 , gidalitan dayon ni Roxanne Barcelo og hugyaw nga cover video ang iyang YouTube subscribers.
Ni-post si Roxanne og cover sa “Part of Your World.” sa Little Mermaid.
“Happy New Year, mga Badidap! Here’s my first paandar for 2020 for all of you! One of my biggest dreams in life is to be a Disney Princess! At definitely isa ko pang pangrap is to become a mermaid! REOWR!” ,” suma pa sa post sa actress-singer.
Nakabaton na kini og liboan ka views sukad kini gi-upload niadtong Enero 2.
#AldenRichardsat28 nag-trending
Trending topic sa Twitter Philippines niadtong Enero 2 ang selebrasyon sa birthday ni Alden Richards.
Gipistahan og maayo ang #AldenRichardsat28 ug todo post ang iyang fans sa iyang mga hulagway.
Pipila sa iyang fans ang nigasto gyud og maayo og nangabang gyud og LED billboards sa pagpadangat og birthday greetings sa ilang idolo.
“Ghosting “ gihulagway ni Bea nga “disrespectful”
Walay pugong-pugong sa pagpabuhagay sa iyang mensahe si Bea Alonzo sa dihang gikumusta siya human sa breakup nila ni Gerald Anderson sa miaging tuig.
Nitingog si Bea sa January 2020 cover story sa Esquire Philippines online. Sa dihang gihisgotan na ang napakyas niya nga love life kaniadto , nilenggua ang aktres og,” “I’m so over it, baka mag feeling-guwapo pa ‘yung ex ko… Leaving somebody without saying goodbye is such an asshole thing to do.I’m sorry but I can’t think of a perfect word for it—it’s so disrespectful.”
Ellen mibalik na sa Instagram
Human sa tulo ka tuig nga pagpahuway sa social media, nibalik sa Instagram ang Sugbuanon nga aktres nga si Ellen Adarna,
Sa iyang latest IG post, gipakita niini ang short clip sa iyang pagtikang sa Switzerland.
“As per my instructor @smartinrs ‘keep going’ should be my mantra this year! #hello2020,” caption pa ni Ellen sa iyang post.
Katapusang nilugwa si Ellen sa programang Home Sweetie Home.
Si John Lloyd Cruz ang iyang hinigugma ug nakabaton sila og anak nga ginganlan og Elias.
Lloydie balik-trabaho na?
Naukyab ang fans ni John Lloyd Cruz sa Facebook post sa singer nga si Chickoy Pura sa dihang nipahibalo kini nga nalipay siya sa pagsugat niya sa 2020 gumikan kay makabaton dayon siya og proyekto.
Makauban niya sa maong proyekto si John Lloyd ug ang direktor nga si Lav Diaz.
Gi-post usab ni Chickoy ang hulagway kun diin katupad niya si Lloydie ug Direk Lav.
“Jan 1, 2020, what a great way to start the year. To work again with the great director and friend Lavrente Diaz.. Maraming maraming salamat sa pagkakataon. Humbled and honored,” suma pa niya.
Sukad sa pagbiya niya sa showbiz niadtong 2017, nakabaton siya og cameo appearance sa pelikulang Culion.
Kalamposan sa Miracle In Cell No. 7 Viva Films nag-victory party
Nag-thanksgiving party sa miaging gabii ang mga artista ug production staff sa pelikulang Miracle In Cell No.7 kauban ang mga kadagkoan sa Viva Films .
Una na nga nigawas ang report nga mao kini ang usa sa mga kusog kaayo nga pelikula sa Metro Manila Film Festival 2019.
Nitambong sa thanksgiving party ang lead stars sa pelikula nga sila si Aga Muhlach ug Xia Vigor, ingon man usab sila si Joel Torre, JC Santos, Soliman Cruz, Jojit Lorenzo, John Arcilla, Direk Nuel Naval ug ang scriptwriter nga si Mel del Rosario.
Naa pud ang Viva Films executives nga sila si June Rufino, Vincent del Rosario, ug Boss Vic del Rosari Jr. Nibakasyon si Bela Padilla sa Japan busa wala kini katambong sa maong party.
Nakuryuso ang publiko
Nagmalipayon ang aktres nga si Judy Ann Santos human nadugangan ang mga sinehan nga mipasalida sa pelikula niya nga Mindanao.
Kahinumdoman nga nanghakot og mga pasidungog ang maong pelikula sa Metro Manila Film Festival 2019.
Si Juday ang best actress , samtang ang co-star niya nga si Allen Dizon maoy best actor.
Una na nga nasagmuyo si Juday gumikan kay dunay pipila ka mga sinehan ang wala mopadayon sa pagpasalida niini. Apan sa dihang nakadawat kini og awards, nakuryuso ang publiko niini.
Busy sa shooting
Puwerting bisiha nila ni Coco Martin ug Angelica Panganiban gumikan sa shooting sa umaabot nila nga pelikula. Napuno og maayo ang schedule ni Coco gumikan kay gawas nga naa pa siya’y FPJ’s Ang Probinsyano, nagbaha usab ang iyang endorsement shoots.
Mobiya sa Viva?
Miulbo karon ang report nga ganahan na mobiya si Nadine Lustre sa Viva apan naa pa’y walo ka tuig nga nabilin sa iyang kontrata sa maong talent agency. Una na nga nibiya sa Viva ang boyfriend niya nga si James Reid. Nag-atubang karon og isyu ang duha tungod sa report nga giputol na nila ang ilang relasyon.
Utang kabubut-on
Tsika pa ni Ruffa Gu¬tierrez nga dako gyud siya og utang kabubut-on ni Melanie Marquez gumikan kay usa kini sa mga nag-train kaniya sa dihang nisalmot siya sa Miss World kaniadto. Mao kini ang rason nga nagpabilin espesyal sa iyang kinabuhi si Melanie. Kahinumdoman nga si Ruffa maoy Miss World 2nd Runner Up niadtong 1993.
Gitubag ni Ella
Wala kaantos ang aktres nga si Ella Cruz ug gitubag gyud niya ang iyang bashers nga nisaway sa iyang pagpanambok. Pipila niya ka bashers ang nilenggua nga mura matud pa siya og mabdos tungod sa pagkadako sa iyang lawas. Hindi ba pwedeng busog lang? Tsk ????,” tubag pa ni Ella.
Sugdan na gyud
Mosikad na sulod karong buwana ang pelikulang Darna nga pagabidahan ni Jane de Leon. Kahinumdoman nga todo na ang training ni Jane alang sa maong proyekto .
Excited sa Voltes V
Nagpanikad na ang komedyanteng aktor nga si Michael V. sa sa live action adaptation sa GMA alang sa sikat nga anime series nga Voltes V Legacy. Suma pa sa aktor nga fan kaayo siya sa maong anime serie. “Excited for this one. Let’s volt in!,” suma pa sa iyang IG post.
Proud anak
Nagmaya og maayo si Atasha Muhlach sa dihang naabot kaniya ang balita nga nag-number one karon sa Metro Manila Film Festival (MMFF) ang movie sa iyang amahan nga si Aga Muhlach nga Miracle in Cell No. 7. Suma pa ni Atasha nga proud kaayo siya sa maong pelikula kun diin nakita niya kun unsa ka banggiitan ang abilidad sa iyang amahan sa natad sa pag-arte.
Rita gipasidunggan
Nakadawat si Rita Avila og award nga Bayani ng Pinilakang Tabing sa Indie Film Festival Philippines. Nakadawat usab sa maong pasidungog sila si Teresa Loyzaga ug Glydel Mercado.
Nag-abot ang mga rayna
Nagbaha ang mga beauty queen sa teleseryeng The Killer Bride nga gibidahan ni Maja Salvador .Naglangkob kini nila ni Lara Quigaman, Ariella Arida, Aurora Sevilla ug Maricel Morales.
Misabay sa uso
Wala nagpaulahi ang mga host sa “Umagang Kay Ganda” sa uso na karon nga photo challenge nga Start of the Decade vs End of the Decade. Nisalmot sa maong challenge sila si Gretchen Ho, Ariella Arida, Jeff Canoy, Winnie Cordero, Jorge Cariño, Anthony Taberna, ug Amy Perez.
- Latest