CEBU, Philippines — Dili na makita ang account ni Morissette Amon sa Twitter. Wala pa kini masayri kun na hack ba kini o nag deactivate. Taliawala kini sa taho nga mas gipili pa sa singer ang uyab kaysa pamilya niini.
Happy to be single
Happy to be single si Katrina Halili karon. Pito ka tuig na siya nga single karon sukad nga siya nagsabak. Matud pa ni Katrina nga gusto una niya friends lang siya sa kun kinsa ang iyang makaila ug dili magdali sa pagsulod og relasyon aron dili kini mapakyas pagbalik. Malipayon karon si Katrina sa sagunson nga trabaho nga miabot kaniya.
Giharanahan ang mga pasahero
Giharanan sa Indie folk band nga Ben&Ben ang mga pasahero sulod sa eroplano. Samtang nagbyahe kini paingon sa Davao, ang grupo mao ang nidalit sa ilang sikat nga kanta nga “Maybe The Night”.
Dili gusto og hasol
Gisaysay ni Jessy Mendiola ang rason nganong nagpamubo siya sa iyang buhok. “Mahilig ako mag-scuba dive, mahilig sa beach, mahilig aboard, ‘yan ginagawa namin siyempre prone to damage ang hair kasi dive ka ngayon tapos wash ka ulit, tapos salt water na naman. Kumbaga mada-dry talaga ang hair mo so ang ginawa ko nagpagupit talaga ako ng super iksi kasi ayaw ko na ma-bother sa kung ano pa gagawin ko sa hair ko,” suma pa ni Jessy.
Kisses, makauban si Ai Ai
Si Kisses Delavin mao ang co-star ni Ai Ai delas Alas sa pelikula nga ‘D’Ninang’. Ang maong pelikula gisugdan na kini sa pagmugna ug ubos kini sa Regal Films, sa direksyon ni GB San Pedro.
Gidasig ni Gabbi
Matud pa ni Khalil Ramos nga ang iyang girlfriend nga si Gabbi Garcia mao ang nagtukmod kaniya nga dili biyaan ang pagkanta bisan pa man og busy kini sa bag-ong karera niini sa pag-arte. “Ever since, pina-realize niya sa akin na ang dami kong supporters when it comes to music. Siguro, it was a struggle for me to really balance things ‘coz I found a new passion when it comes to acting”, suma pa ni Khalil.
Dunay nanag-iya
Gitug-an ni Ruru Madrid nga aduna nay nagtag-iya sa iyang kasingkasing. Matud pa ni Ruru nga proud siya sa iyang gihigugma apan dili niya buot nga idetalye kun kinsa kini gumikan kay gusto niya nga pribado ang iyang lovelife.
Dili na madayon
Dili na gyud madayon ang comeback movie ni Kris Aquino nga (K)ampon. Suma pa ni Kris wala gidawat sa committee ang pag-ilis og leading man niini. Gisugyutan si Kris nga moapela apan tungod kay kaila niya ang usa sa mga opisyales sa komitiba, nagdumili na siya kay dili siya gusto nga matsismis.
Hands on sa negosyo
Hands on gyud si Ara Mina sa iyang mga negosyo karon nga mga cafe ug cosmetic line. Matud pa ni Ara nga mas maayo nga tutok siya niini aron nga dili na siya malugi human sa iyang nasinati pipila na ka tuig ang milabay.
Sweet photos
Gikagubtan karon sa Instagram ang sweet nga mga hulagway nila ni Mark Herras ug Nicole Donesa. Ang duha magkauban sa serye nga ‘Bihag’. Wala pay katin-awan unsay estado sa ilang relasyon karon.