Dunay relasyon?

CEBU, Philippines – Miulbo karon ang espekulasyon nga adunay relasyon sila si   Lovi Poe ug ang  executive producer sa nagkadaiyang American films nga si Montgomery Blencowe. Anaa karon sa U.K. ang aktres kauban ang maong British guy. Dili pa kini ang unang higayon nga nagkauban ang duha  gumikan kay niadtong Enero lang niining tuiga, magkauban silang duha sa Los Angeles.

Beauty queen  mipanaw

Mipanaw na ang Miss World Philippines 2012  3rd princess nga si April Love Jordan niadtong Biyernes, Hunyo 21. Ang 31 anyos nga beteranang beauty queen naghambin og liver cancer. Ang beauty queen nahimo kini nga kandidata sa Binibining Pilipinas 2009 (Top 10 finalist), Mutya ng Pilipinas 2006 (2nd runner-up), Miss Philippines Earth 2006 (finalist), ug nakoronahan siya niadtong 2009 sa International Beauty & Model Festival.

Feel at home

Usa si Dingdong Dantes sa mihatag og kalingawan sa Metro Toronto Convention Center sa Canada alang sa mga Pinoy nga nagsaulog sa Philippine Independence Day ug Filipino Heritage Month. Matud pa ni Dingdong nga sa makadaghang higayon na siya nakatikang og nakasalmot sa paghatag og kalingawan sa mga Pinoy sa maong dapit ug nabati niya nga at home gyud siya. “It’s the warmth of the people and being Pinoys, there’s this distinct characteristic that keeps me want to come back for more”, suma pa ni Dingdong.

Alyssa, makita na  ang pag-arte

Makita na gyud sa big screen ang katakos sa pag-arte ni kanhi Ateneo volleyball star nga si Alyssa Valdez sa pelikula nga molugwa karong Hulyo nga ‘My Letters to Happy”. Bidahan kini nila ni Glaiza de Castro ug TJ Trinidad.

Giampoan ang lovelife sa inahan

Gibutyag ni Crystal Brosas nga gi-ampo gyud niya nga makabaton na og lovelife ang iyang inahan nga si K Brosas. “Hindi alam ni mommy at hindi ko rin sinasabi sa lahat pero talagang pinagpi-pray ko po talaga, Kasi sinasabi ko nga sa sarili ko since bata pa lang ako siya talaga alone ang nagpalaki sa akin, bumuhay sa akin. Kumbaga parang ibinigay niya na ang lahat para sa akin. Ngayon naman it’s time na mayroong isang lalaki na magbigay naman sa kanya”, suma pa ni Crystal.

Buot magpabiling  single

Walay karelasyon karon ang ‘Nang Ngumiti ang Langit’ star nga si Enzo Pineda. Matud pa niya nga buot pa niya nga magpabiling single karon gumikan kay busy siya sa iyang showbiz career ug dili siya gusto nga magkuwang sa oras ug atensyon ngadto sa iyang makarelasyon kun busy siya sa iyang trabaho.

Gerphil,  magpakasal na

Magpakasal na karong Hulyo 21 ang singer nga si Gerphil Flores ngadto sa iyang non-showbiz boyfriend nga si Brad Libanan. Usa ka tuig na nga engaged ang duha ug 10 years na sab sila nga mag-uyab.

Mahadlok gihapon  sa bana

Gitug-an ni Ruffa Gutierrez nga aduna gihapon siya’y gibati nga kahadlok ngadto sa iyang kanhi asawa nga si Yilmaz Bektas tungod sa iyang gidangatan kaniadto gidagmalan siya niini, matud pa niya nga padayon siya nga giimbitar niini nga mobalik sa Turkey apan anaa sa iyang utok nga basin og inig balik niya didto, patyon na lamang siya.

Gikunsabo ang pamilya

Gituyo gyud ni Rere Madrid nga itago ang iyang pagsalmot sa Starstruck karong tuiga ngadto sa iyang igsuon nga si Ruru Madrid. Matud pa ni Rere nga gikunsabo niya ang iyang pamilya nga dili ipasaba sa iyang igsuon aron masurpresa kini niya ugaling makasulod siya sa Top 14. Sa wala pa siya masulod sa Top 14, aduna nay nitimbre sa iyang igsuon gikan sa production team nga anaa siya sa maong show.