Zumba Queen

Hello mga BisChikadora! Kumusta na ang inyong inadlaw –adlaw nga panikaysikay? Basta magkugi lang gyud kita inubanan sa pag ampo ang tanan makaya kaayo! Mao nga fight ,fight lang ingon pa nila…Laban lang! Karung semanaha ang inyong Yur’s truly lumalaban sa mga GMA events. Mao nga big thank you kaayo sa GMA Regional TV sa paghatag og raket. Nahimong mabulukon ang among Kapuso Barangayan sa Lower Sampaguita, Barangay Banilad, Mandaue City kauban ang Quota International Cebu, Philippine Navy, Nua Thai, gihatod namo ang Kapuso Serbisyo nga libre kini! Libre ang massage, facial, haircut, lugaw, legal aid, dental services, zumba ug pa raffle sa duha ka sakong bugas ug cash. Asa paman ka di ba? Nibisita usab ang mga DJ’s sa Barangay RT nga silang Papa Randy, Papa Roi, Papa Don, Inday Teri ug Papa Jo! Anaa usab ang atong Kapusong Nikko Sereno nga Live kining gipasundayag sa Balitang Bisdak! Kuwang ang usa ka adlaw para makauban ang atong mga Kapuso, apan ang mas importante ang Tinud-anay nga Serbisyo ilang nasinati.

* * *

Naabot usab ang atong kauban sa GMA Artist Center para sa usa ka VTR nga didto nahitabo sa Handuraw Pizza Mango branch. Ang tumong ug tuyo niini ang makakita og mga potentials nga mga talents nga pwede usab marecommend sa mga programa sa Kapuso Network. Mao nga dako kaayo ang among pasalamat kay daghan usab kaayo ang nagpa VTR adunay mga bata, adunay first timer nga mga nakuyawan ug aduna usay usa ka pamilya gikan sa iyang mga anak hangtud mismo si mama nagpa VTR. Espesyal usab kaayo ang maong VTR kay nibisita ang usa sa mga na discover sa GMA Artist  Center nga si Jaime Ararao nga taga Cebu, kinsa tungod sa iyang viral video kabahin sa mga call center agent nakuha niya ang atensiyon sa mga kadagkuan sa GMA Network. Para sa mga unang higayon nga nagpa VTR gitagaan kini ni Jaime og tips. Para sa mga atong mga BisChikadora

ang unang salang ni Jaime kay sa Bubble Gang hangtud nahimo siyang kabahin sa bag-o lang nahuman nga teleserye, ang romcom nga TODA One I love nga gibidahan ni Kylie Padilla ug Ruru Madrid. Ang iyang role kay si Bekbek usa ka bayot nga best friend ni Gelay as Kylie Padilla. Sa pagkakaron bag –o lang ni renew si Jaime og kontrata sa GMA Artist Center ug nagpaabot sa iyang new project.  Sa mga nag VTR continue your dreams kay usa ka adlaw niana, your  dreams do come true.

* * *

Karung adlawa usab kay ang 11th  Anniversary sa atong Zumba Queen nga si Emma Satchell, ang Reina Del Baille ( Dancing Queen )  diin us aka zumba marathon ang ipahigayon diha sa Cebu City Sports Center, unyang 5:00pm. Ang registration, magsugod og 1pm. Let’s dance for a better you!!!!