Piolo-Claudine tandem banhawon

CEBU, Philippines – Nagmaya ang fans nila  ni Piolo Pascual ug Claudine Barretto  gumikan kay subling mag-uban ang   ilang mga idolo sa usa ka pelikula.

Nagkatrabaho  ang duha kaniadto sa pelikulang  Milan niadtong 2004.

Si Cathy Garcia-Molina ang direktor sa maong proyekto ug wala pa sila’y nahuna-hunaan nga  titulo.

Giangkon usab ni Claudine nga ganahan siya makatrabaho ang aktres nga si Judy Ann Santos.

Katapusang pelikula ni Claudine  mao ang  Etiquette for Mistresses niadtong 2015.

Nahuman na sa military service

Nahuman na gyud ang South Korean actor nga si  Lee Min Ho sa iyang mandatory military duty .

Gikagubtan og maayo ang aktor sa iyang fans sa  dihang nipatim-aw na siya sa publiko. Nisikat si Lee dinhi sa Pilipinas human gi-ere ang television series  nga ‘Boys Over Flowers’ ug ‘Legend of the Blue Sea.”  

GGV pilde sa TBATS

Pildi bisan sa Kantar Media ratings survey ang Gandang Gabi Vice niadtong Domingo sa gabii, April 21.

Suma pa, daog sa ratings game ang ABS-CBN shows nga Wansapanataym: Hiwaga ng Kambat nga nakakuha og 24.4%  batok sa 12.1% lang nga natala sa Daig Kayo Ng Lola Ko Year 2 sa GMA7.

Daog sab pinaagi sa 30.6% nga rating ang pilot episode sa Search for the Idol Philippines, batok sa 13.2% lang nga naangkon sa Studio 7.

Apan  pilde na ang ABS-CBN shows pagsugod na sa Kapuso Mo Jessica Soho sa GMA7.

Gilampaso sa KMJS ang gikaatbang niini nga mga shows nga Rated K 15% ug  PBB Otso 9.9%. Kini human ang KMJS nakakuha og 27.4%.

Ug ang GGV ni Vice Ganda nitala lang og 8.2% itandi sa 9.2% nga naangkon sa The Boobay And Tekla Show sa GMA7.

Kasikas ni Ellen

Bisan pa man sa pagpalayo ni Ellen Adarna ,  mokulit gihapon kini og kasikas ilabi na sa social media.

Sa ulahing social media post sa iyang  higala nga si Vito Selma, makita ang naka-swimwear nga  hulagway ni Ellen samtang nilaag kini sa Bali, Indonesia  .

 “Welcome back mama,”  caption pa ni Selma sa maong hulagway kun  diin naka-tag si Ellen.

Pipila ka oras gikan sa pag-post niini,   nakabaton dayon kini og liboan ka likes ug comments  sa netizens.

Nasayran nga  nalingaw og maayo si Ellen sa pagpalayo niya sa showbiz  ilabi na nga kauban pa gyud niya ang iyang boyfriend nga si  John Lloyd Cruz.

Ogie nanalipod kang Regine

Gipanalipdan ni  Ogie Alcasid ang iyang asawa nga si  Regine Velasquez human giatake sa komentarista nga si Ben Tulfo.  Kahinumdoman nga sa  live session sa miaging adlaw, gisaway  si Regine gumikan sa pagkomento niini  kalabot kang  Department of Foreign Affairs Secretary Teodoro Locsin Jr. tungod sa isyu sa  Chinese vessels duol sa Scarborough Shoal.

“Ang mensahe ko sa ‘yo, Regine Velasquez, next time you open your mouth, think. Make sure na may laman ang utak mo,” saysay pa ni Tulfo.

Dali nga ni-tweet si  Ogie  ug suma pa sa post niini,” Sir @bitagbentulfo . I offer my cheek to you. After you have maligned my wife I ask that you focus on me. She is after all a lady. God bless you sir.”

Nitubag dayon si Tulfo og,” I am not here to hurt anyone. I am talking with sincerity and truthfulness. this is a serious issue. Tell your wife to focus in her career. Please, not Foreign relations and issues. I do respect you and your wife.”

Nagpasalamat si Ogie sa pag-reply ni  Tulfo.

Thank you for your reply and your sincere advice. I respect your view on these matters also.

God bless always,” panapos pa ni  Ogie. 

Nadine mi-renew sa dos

Magpabilin nga Kapamilya ang multimedia princess nga si Nadine Lustre human kini ni-renew sa iyang kontrata kagahapon sa maong network.

Gihangop pag-ayo sa kadagkoan sa ABS-CBN ang pag-renew ni Nadine.

Nagpanikad na ang aktres sa umaabot niya nga mga proyekto sa iyang mother network.  

Gipadalhan  og mensahe ni Park-Bo-gum

Human nauswag ang fans day niya didto sa kaulohan , nipadala og personal message  ang Korean star nga si  Park Bo-gum ngadto kang  Anne Curtis kinsa host unta sa maong kalihokan.

 “Hi Anne! Thank you for sparing your time to emcee the ‘Good day’ in Manila event. Though we cannot meet this time, I hope we’ll meet soon again,” mensahe pa ni Park-Bo-Gum.

Nasayran nga giigo og linog  sa miaging adlaw ang pipila ka bahin sa nasud busa nakahukom ang kampo sa aktor nga iuswag ang iyang show. Dili gyud malilong ang pagka-fan  ni  Anne sa  pipila ka Korean  stars. 

Unang adlaw “Endgame”naka- P205.6M sa Pilipinas

Naglawig gyud  sa unang adlaw sa pagpasalida sa mga sinehan dinhi sa Pilipinas   ang pelikula sa Marvel Studios’   nga “Avengers: Endgame” .

Sa pagbukas niini sa 970 ka mga sinehan  niadtong Miyerkules, April 24, 2019,   nikita dayon kini og P205,676,345 .

Nalabwan niini  ang record sa laing Avengers movie nga  “Infinity War” niadtong 2018 nga nikita og P141.6  million sa unang adlaw.

Tungod sa kakusog niini, adunay mga sinehan ang nangabli og   24 oras.  

Nasayran nga trending kaayo sa social media ang mga video kun diin makita nag-dinaganay ang mga tawo  sulod sa mall aron lang gyud makauna og palit og movie tickets. 

Bag-ong mugna

Gipadungog na ni   Moira dela Torre  ang pipila ka parte sa iyang mga bag-ong kanta nga angayan matud pa atangan sa iyang fans.   Suma pa nga lahi ang genre niini.  Nailhan si Moira sa kadaghanan gumikan sa iyang hugot songs.

Hinatag sa French designer

Usa ka mahalon nga bag ang giregalo sa sikat nga French designer nga si Christian Louboutin ngadto kang  Heart Evangelista. Dakong garbo alang kang Heart nga makadawat og regalo gikan sa usa ka ilado nga personalidad.

Puwerting lipaya

Tsika pa ni Claudine Barretto    nga dili gyud masukod ang  iyang kalipay  karong panahona. Kahinumdoman nga  gawas  sa  pagbanhaw  sa iyang career, gikalipay niya og maayo ang pagtingganay nila sa iyang igsuon nga si  Gretchen Barretto.

Nahadlok

Giangkon ni Sharon Cuneta nga duna’y higayon nga  nahadlok gyud siya sa dihang gigama ang usa ka eksena sa  iyang horror movie nga Kuwaresma.”Ang nahalata ko lang, mayroon akong isang eksena siyempre may evil forces obviously sa eksena parang hindi ako buma-buckle, tapos dito pa sa parang hindi naman kahirapan ‘yung dialogue eh nagba-buckle ako. Sabi ko, ‘Sandali direk, sandali,’” saysay pa sa aktres.

Dakong proyekto

Suwayan  sa  Kapamilya performer nga si Chie Filomeno ang pag-arte pinaagi sa teleserye nga Love Thy Woman. Suma pa ni Chie nga dakong garbo alang kaniya nga malakip sa usa ka big project sa  ABS-CBN.

Nagmahay

Nakaingon si  Yam Concepcion nga  maypa wala nalang siya mosugot kaniadto nga modawat og sexy project. Nasayran nga apektado gyud ang aktres sa pagpakatap  sa pipila ka netizen sa sexy scene sa usa  niya ka pelikula kaniadto.

Mobalik sa pag-arte

Mobalik na  sa pag-arte ang aktres nga si Jana Victoria ug nalakip siya sa  teleserye nga  Love Thy Woman  nga gibitoonan nila ni Kim Chiu, Xian Lim ug Erich Gonzales.  Gigama kini sa  Dreamscape Entertainment.

Mahiligon sa pagluto

Dili gyud mabangbang ang Youtube videos  ni Judy Ann Santos  gumikan kanunay kini pistahan sa publiko.  Mahiligon  si Juday sa pagluto   nga gikahimut-an kini pag-ayo sa iyang fans.

Maghubo gyud

Gipasigarbo ni Kit Thompson ang  daring scenes sa duha niya ka  upcoming projects. Molugwa ang iyang pagpa-sexy sa  teleserye  nga Sino Ang May Sala ug sa  Cinemalaya 2019 entry nga  Belle Douleur.

Natural nga reaksyon

Trending karon sa social media ang video kun diin makita  ang natural nga pagkabalaka ni Kris Aquino sa dihang na-feel niya ang linog didto sa kaulohan. Nalingaw pag-ayo ang netizens sa reaksyon ni Kris nga pinahimutang kaayo.