Dingdong bida sa Descendants of the Sun
Pinoy adaptation
CEBU, Philippines — Si Dingdong Dantes ang himoong bida sa local adaptation sa Korean drama nga Descendants of the Sun sa GMA-7. Gianunsyo kini atol sa pag-renew ni Dingdong sa iyang kontrata sa GMA-7.
Nasayran nga sikat kaayo ang maong Korean series nga gi-ere niadtong 2016.
Si Dingdong maoy modala sa character ni Captain Lucas (Captain Yoo Si-jin) nga unang gidala ni Song Joong-Ki.
Wala pa gianunsyo ang mahimong leading lady ni Dingdong sa Descendants of the Sun remake.
Una na nga gidungog kaniadto nga si Alden Richards ang mahimong bida sa maong proyekto apan kalit lang nahilom ang maong taho.
- Latest