Miapas sa HK

CEBU, Philippines — Wala gyud kapugong si Daniel Padilla ug surpresa nga niapas gyud didto sa Hong Kong alang makita ang iyang hinigugma nga si Kathryn Bernardo. Kasamtangang anaa sa maong dapit si Kathryn alang sa shooting sa  pelikula nila ni Alden Richards.

Target ang Gen Z

CEBU, Philippines — Gihulagway ni Direk Mikhail Red ang detalye sa iyang pagabuhaton nga thriller film nga nag-ulohan og “Dead Kids”. “It’s very hip, very millennial, actually Gen Z pa nga ang target niya e. And it’s about the youth dealing with their own persoal insecurities and at the same time, their own entitled views”, suma pa ni Direk Mikhail.

Niuli alang sa concert

Nibalik na dinhi sa nasud si Gerald Santos kinsa na-busy sa   iyang pagkalakip sa  Miss Saigon Tour 2019. Tinubdan sa maong pag-uli ni Gerald mao ang pagpangandam alang sa iyang umaabot nga concert.

Mensahe ni Pia

Adunay mabulawanong mensahe si Miss Universe 2015 Pia Wurtzbach alang sa mga kandidata karong tuiga sa Binibining Pilipinas. “Totoo talaga yung sinasabi nila na once a Binibini, always a Binibini. So girls, congratulations ngayon pa lang and for the repeaters, kaya niyo yan. Ginawa ko rin yun before so huwag kayong mahiya, huwag kayong mawalan ng lakas ng loob. For the beginners naman, congratulations on trying for Binibining Pilipinas. It will really change your life”, mensahe ni Pia.

Natagad ang hiwi

Gikataw-an nalang ni Barbie Imperial ang mga komento nga iyang nadawat gikan sa mga netizen kinsa natagad pa gyud ang iyang dili balanse nga suso. Bag-ohay lang mi-upload si Barbie og sexy photo sa iyang Twitter account kun diin tataw gyud ang mga suso niya ug mao kini ang nahimong sumsuman sa pipila ka netizens.

Mauwaw mohisgot

Dili gyud makakumpirma si Miles Ocampo nga makabalik ba sa sitcom nga “Home Sweetie Home” ang usa sa mga orihinal nga karakter niini nga si John Lloyd Cruz kinsa mi-file og indefinite leave niadtong 2017. Matud pa ni Miles nga aduna silay komunikasyon ni Lloydie apan dili sila mag-istorya kabahin sa trabaho gumikan kay mauwaw siya maghisgot niini.

Todo bakasyon

Wala gyud palabya ni Maja Salvador nga dili makabakasyon karong ting-init kauban ang iyang boyfriend nga si Rambo Nuñez. Gikan sa Amanpulo ang duha ug karon anaa na kini sa Los Angeles, California.

Gitudluan og makeup

Human sa pipila ka mga request, nahitabo na gyud ang kolaborasyon nila ni Super Tekla ug sa usa sa mga sikat nga Youtube beauty guru nga si Raf Juane. Sa nahitabong kolaborasyon, gitudluan ni Raf si Tekla kun unsaon pagmake up nga dili magsalig sa mga make up artists.